ڈاکٹر عافیہ صدیقی کی رہائی: امریکہ سے انتہائی مایوس کر دینے والی خبر آگئی
تحریر: فضل حسین اعوان
| شائع نومبر 16, 2016 | 07:39 صبح
کراچی (ویب ڈیسک )امریکہ نے ڈاکٹر عافیہ کی رہائی کے لیے لکھے گئے حکومت پاکستان کے خط کا جواب دینے کی زحمت بھی گوارا نہ کی ۔سندھ ہائی کورٹ میں ڈاکٹر عافیہ کو پاکستان لانے سے متعلق درخواست کی سماعت ہوئی جس میں درخواست گزار کے وکیل نے کہاکہ 2002میں جاری آرڈیننس کے تحت ڈاکٹر عافیہ کو واپس لا جا سکتا ہے ۔انہوں نے کہا کہ پاکستان اور امریکہ کے اٹارنی جنرل اتفاق کر لیں تو سزا یافتہ قیدی کو پاکستان منتقل کیا جا سکتا ہے ۔
ادھر ڈپٹی اٹارنی جنرل نے بتا یا کہ امریکہ نے ڈاکٹر
عافیہ صدیقی کی رہائی سے متعلق پاکستانی حکومت کے خط کا جواب دینے سے انکار کردیا ہے ۔درخواست گزار کے وکیل نے کہا کہ عافیہ کو بے بنیاد الزام میں 86برس قید کی سزا سنائی گئی ،عالمی قوانین کے مطابق عافیہ صدیقی کو 86سال کی سزا نہیں ہو سکتی ۔انہوں نے مزید کہا کہ پاکستان نے عدالتی حکم کے مطابق امریکہ سے رجوع نہیں کیا ۔سماعت کے دوران چیف جسٹس نے کہا کہ عدالت دلائل کا جائزہ لے کر فیصلہ جاری کرے گی ۔
