ایران مخالفتاں دا ایجنڈا: امریکہ کم چک دتا۔۔اساں کیہہ کراں گے؟ وائس آف امریکہ دی ہشیار خبر

واشگٹن(مانیٹرنگ رپورٹ) ودی عرب تے چنگا ہو گیا تے ایران ات گرد کہ اجہے دوہرے معیاراں پاروں ہی ات گردیاں خلاف عالمی بیانیہ گواچ جاندا ہے۔اجہے کوڑ کماں دا دوجہ وڈا نقصان ایہہ ہوندا ہے کہ ایران وچ کم کردے لبرل تے اعتدال پسند ہور نکرے لگ جاندے نیں اتے بنیاد پرست اتے قدامت پرستاں دی حمائیتاں ودھ جاندیاں نیں۔ پاکستان وچ وی امریکی سعودی ہرکارے کوئی ٹرمپ ہی لیانا چاہندے جاپدے نیں۔ایہہ لڑائی لڑی تے کسے ہور بینر ہیٹھ جارہی ہے پر ایس دا ٹیچا سعودی امریکی اتحاد وچ حاضریاں تے چین توں پراں ہونا ہی ہے۔ تسی ہن وائس آف امریکہ دی ہشیار خبر پڑھو

امریکہ نے ایس گل کیتی ہے کہ ایران نے مشرق وسطیٰ وچ تخریبی سرگرمیاں جاری رکھیا ہوئیاں نیں جس پاروں خطہ وچ مسے وادھو نیں۔ منگل دے روز جاری ہون والے اک بیان وچ محکمہ خارجہ دی ترجمان ہیدرنوئرٹ آکھیا ہے کہ ایران حزب اللہ، حماس تے فلسطینی اسلامی جہاد ورگے دہشت گرد گروہاں دی حمایت جاری رکھے ہوئے ہے ۔ انہاں گروپاں توں اسرائیل نوں خطرہ ہے جداں کہ ایہہ مشرق وسطیٰ لئی وی ایہہ امن مخالف دھڑے کم کر رہے نیں۔ بیان وچ آکھیا گیا ہے کہ ایران توں ایہہ جاری خطرات دے جواب وچ امریکی انتظامیہ نے منگل دے روز اوہناں 18 تنظیماں تے افراد نوں کالعدم قرار دتا جو ایران دے بیلسٹک میزائل پروگرام دی حمایت کردے نیں تے ایران دے اسلامی انقلابی پاسداران دستے (آئی آر جی سی) تے دوجے انتہا پسنداں دی مدد کریندے نیں۔ ترجمان نے آکھیا ہے کہ ایران یمن وچ حوثی باغیاں نوں جدید ہتھیار فراہم کررہیا ہے جیہناں دے باعث بحر احمر وچ جہاز رانی دی آزادی نوں خطرے وادھو نی۔ انہاں باغیاں نوں سعودی عرب تے حملیاں لئی استعمال کیتا جاندا ہے جداں کہ ایس دے نتیجے وچ یمن دا جھیڑا طول پھڑرہیا ہے۔ مزید ایہہ کہ ایران بیلسٹک میزائل دے تجربے تے تیاری جاری رکھے ہوئے ہے جداں کہ ایہہ عمل اقوام متحدہ دی سلامتی کونسل دی قرار داد 2231 دی براہِ راست خلاف ورزی ہے۔ بیان وچ جوہری توانائی دے سمجھوتے دے حوالے پاروں آکھیا گیاہے کہ جڑی ہوئے تے سانجھے طریقہ کار وچ سبھے ملکاں آکھیا سی کہ معاہدے تے مکمل عمل درآمد علاقائی تے بین لاقوامی امن تے سلامتی ول دنیا نوں لیجائے گا۔ پر ایس نال پٹھے نتیجے نکل رہے نیں۔بیان وچ آکھیا گیا ہے کہ اج دا ایہہ اقدام اوس انتظامی حکمت نامے، 13382 دے حوالے توں کیتا جارہیا ہے جس وچ وڈے پیمانے دے وسائل تے حمایت تے دھیان دینا ہے جیہناں توں کثیر ملکی جراپیشہ تنظیماں تے نگاہ رکھی جاسکے۔