اے این پی ”گونواز گو“ تحریک دا حصہ بنن توں انکاری۔نویں چوناں، نویں اتحاد؟

2017 ,اپریل 26



لاہور (مانیٹرنگ رپورٹ)اسلام آباد:عوامی نیشنل پارٹی نے ”گو نواز گو“ تحریک دا حصہ بنن توں انکار کردے ہوئے آکھیا کہ اے این پی وزیراعظم توں استعفے دا مطالبہ نہیں کرے گی۔ میڈیا رپورٹس موجب اے این پی دے رہنما غلا احمد بلورہوراں آکھیا ہے کہ انہاں نے قومی اسمبلی وچ قائد حذب اختلاف سید خورشید شاہ نوں دس دتا ہے کہ دوجے ماملیاں تے اے این پی تہاڈے نال ہاں پر وزیراعظم توں استعفیٰ نہیں منگا ں گے۔ انہاں نے آکھیا کے عمران خان نے پہلے آکھیا سی کہ پانامہ تے فیصلہ تسلیم کراں گے ہن کیوں شرارت ہورہی ہے۔ہر پارٹی دی یا تے آون والی چوناں تے نظر ہے یا فیر کسے وچلی گل نوں لکان لئی ایہہ سب ڈرامہ جاری ہے۔جے اپوزیشن آپس وچ لڑ رہی ہے تے ایس دا مطلب ایہو ہے کہ اوہ ایس مسلے تے کسی ہور گل توں توجہ ہٹا رہی ہے۔اے این پی دا ایہہ وی مرنا ہے کہ عمران خان نوں اگلی چوناں وچ قابو کرنا لوڑی دا ہے اتے اوہ سمجھدے نیں کہ جمہوری تسلسل چلنا چاہیدا ہے۔


 

متعلقہ خبریں