مردم شماریاں:دو بھارتی گرفتار۔برمی،بنگلہ دیشی وی لبھو

لاہور(مانیٹرنگ رپورٹ)مردم شماریاں دے بہوں لوک کیوں خلاف ایس دی ہولے ہولے سمجھ آجاسی۔ تازی خبر ایہہ ہے پئی کراچی وچ مردم شماری کرن والے اک افسر دو بھارتی پھڑوا دتے جیہڑے ہورے کڈے چر توں ایتھے رہ رہے سن۔ مردم شماریاں دا پہلا مرحلہ سندھ وچ تھی گیا ہے اتے ایس موقع تے سندھ مردم شماری کمشنر عبدالعلیم میمن ہوراں نیوز کانفرنس کیتی۔ ایس مرحلے وچ کراچی دے 6 اتے باقی دو ہور ضلعیاں وچ مردم شماریاں کیتیاں گیاں۔ باقی دو ضلعیاں وچ اک حیدر آباد تے دوجا گھوٹکی رلتی نیں۔ گلبرگ ٹاو¿ن کراچی وچ اک بندہ پھڑیچیا گیا جس کول کوئی کاغذات نہیں سن۔ اوہ بھارتی شہری سی۔ ہن دوجا مرحلہ 31 مارچ توں 12 اپریل تک ہوسی۔ انہاں دسیا پئی کراچی وچ کل 14,552 بلاک نیں اتے ایس مرحلے تے 7,267 بلاکاں وچ مردم شماریاں ہوگیاں نیں۔ پہلے مرحلے دے اٹھ ضلعیاں وچ جے کوئی خاندان رہ گیا ہے اوس کول اپنے آپ نوں رجسٹرڈ کروان دا اک ہور چانس ہے۔ اساں ہن اخباراں وچ فون نمبر دواں گے تے اوہ اوس تے اپنی شکایت درج کروان تانجے اساں ان تیک اپڑ جائیے۔کراچی وچ نرے غیر رجسٹرڈ افگاں مہاجر ہی نہیں سگوں برمی، بنگالی، بھارتی وغیرہ وی نیں۔ویکھو انہاں وچوں کڈے سامنت لیائے جاسکدے نیں۔