کابل میڈیا حملہ فیر:40 مارے گئے۔سہہ ملکی گل بعدوں فرقہ واریت دا پاڑ

لاہور(مانیٹرنگ رپورٹ)ہلے سہہ ملکی گل بات دی کامیابیاں پاروں پاک افغان سلسلیاں دے چنگے ہون دی امیداں ودھیاں سن کہ اج دھماکیاں پاروں طوفان مچ گیا۔ہن تیک چالیہہ بندیاں دے مرن اتے تریہہ توں وادھو زخمیاں بارے خبراں۔چیتے رہے ایہہ سہہ ملکی گل بات چین کروائی سی۔ ایس توں پہلاں جداں جداں چار ملکی گل بار راہیں چین تے امریکہ رل مل پاک افغان امن دا پربندھ کیتا تاں وی دھماکے ہوندے سن۔ اج دے حملے میڈیا گروپ افغان وائس ایجنسی اتے اوس نیڑے کلچرل سنٹر دے آلدوال ہوئے۔کلچرل سنٹر وچ ہک پروگرام ہو رہیا سی جس وچ رلتی صحافی اتے وائس ایجنسی دے سید عباس حسینی آکھیا ہے پئی دھماکے اک توں وادھو سن۔برطانوی اخبار انڈیپینڈنٹ طالبانی بلارے ذبیح اللہ دی ٹوئیٹ چھاپی ہے جس آکھیا ہے ساڈا ایس وچ ہتھ نہیں۔افغانستان وچ میڈیا تے حملے کوئی نویں گل نہیں اتے نیٹو د ی موجودگیاں وچ اجہے حملے ایہہ دسدے نیں پئی افغان سرکار تے نیٹو دی رٹ تے کابل وچ وی نہیں۔افغان داخلہ وزارت چالیہہ موتاں نوں کنفرم کیتا ہے۔مرن والے تے مارن والے دوناں پختون تے افغان نیں پر ہک دوجے دے ویری۔