بھارتی قنون دا چربہ چلادتا

اسلام آباد(مانیٹرنگ)سینیٹر بابر اعوان نے کھسریاں وغیرہ  دے حقاں لئی اک بل دا ڈرافٹ پرائیوٹ ممبر بل دی حیثتیاں وچ جمع کروایا سی پر جدوں اوس نوں پڑھیا گیا تے اوہ بھارت وچ بنے قنون دا چربہ نکلیا۔ انہاں بھارت دی تھاں پاکستان دا لفظ بدل دتا ۔ ایہہ خبر اج ٹربیون پاکستان والیاں چلائی ہے۔ اک وکیلنی رقعیہ سیمع ہوراں دسیا ہے پئی 18 ویں تے 19 ویں ترمیماں بعدوں تے ایس تے عمل کروان وچ صوبیاں دا کردار زیادہ ہونا چاہیدا ہے پر کیونجے ایہہ بھارتی قنون دا چربہ ہے تاں مارے ایس وچ اجیہا گھاٹا رہنا ہی سی کیونجے بھارتی آئین وچ اٹھارویں ترمیم نہیں ہے۔ کھسریاں وغیرہ دے حقاں وچ کم کرن والی جتھے بندی ’’شی میل ایسوسی ایشن فارفنڈ امینٹل رائٹس‘‘ (سفر) دے ندیم کشیش اتے بلیووینس (خیبر پختونخوا) دے قمر نعیم ہوراں وی ایس بل نوں اک گھاٹا آکھیا ہے اتے پاکستان وچ موجود کھسریاں وغیرہ دی جتھے بندیاں نوں بلاکے بل دانوں ڈرافٹ بناون دی گل کیتی ہے۔کھسریاں دے حقاں دے حامی حافظ حمد اللہ آکھیا کہ بھارتی بل دی تھاں پاکستانی بل بنانا چاہیدا ہے۔