نواں ڈرامہ: بے نظیر قتل کیس دا فیصلہ؟مسلہ سہولت کاراں دا ہے؟

لاہور(مانیٹرنگ رپورٹ)سب نوں پتہ ہے پئی بے نظیر نوں کس ماریا سی تے اوس مگر کیہڑی سیاستاں سن۔ جنج جج منیر دی عدالت وچ ایس گل دا جواب کسے کول نہیں سی پئی1953 نوں لہور وچ مارشلا کس دے حکم تے لگیا سی اینج ہی بے نظیر دے قتل دی تھاں نوں چھیتی چھیتی دھون دے حکم بارے خموشیاں نیں۔اوہ کون نے جیہڑے سب کجھ ات گرداں تے پا کے آپ بچنا چاہندے نیں۔ قتل کس کیتا؟ گڈی دی چھت دا ھصہ کس کھولیا؟ قتل توں بعد کس، کیہ کیتا؟ پر اصل سوال تے سہولت کاراں دا ہے؟بے نظیر دی اکتوبر وچ واپسی ایس گل داثبوت سی کہ شرفو نال کوئی معاہدہ نہیں۔پاکستان وچ پاپولر لیڈراں توں چڑ کون کھاندا ہے؟ ایہہ پچھن دی لوڑ نہیں۔ میڈیا وچ کھیڈن لئی اک نواں ڈرامہ جاری کیتا جا رہیا ہے۔