29سالہ کنیڈین پنجابی مٹیار للی سنگھ یونیسیف دی نویں سفیر خیرسگالیاں

لاہور(مانیٹرنگ رپورٹ)اوہ ایکٹر وی ہے تے مخول مخول وچ بڑیاں گلاں وی کریندی ہے اتے لکھاری وی کہ للی سنگھ 2015توں لاس اینجلس رہندی ہے پر 1988وچ اوہ پنجابی ماپیاں گھر کنیڈا وچ جمی سی۔ دلی وچ ہون والے اک پروگرام وچ اوس پنجابی مٹیار نوں یونیسیف دی نویں خیر سگالیاں دی سفیر بنایا گیا۔ ’سپروومن‘ دے لقب توں مشہور للی اپنے بھارتی دورے وچ انہاں بچیاں نال ملاقاتاں کررہی ہے جیہڑے یونیسیف دی بچیاں بارے بنائی جتھے بندی نال جڑے نیں۔ دی مدد حاصل ہے۔ للی ڈجیٹل میڈیا وچ شہرتاں پاروں بچیاں تے نوجواناں نال رل کے انہاں چیلنجاں بارے وچ گل بات کرسی جیہناں دا انہاں نوں سامنا ہے ۔ پروگرام وچ گل بات کردے اوس آکھیا پئی میں ایتھے جیہناں بچیاں نال ملاقاتاں کیتیاں نیں اوہ بہت سارے چیلنجاں تے قابو پارہے نیں۔ ایہہ ایس گل دا ثبوت ہے کہ جے بچیاں نوں موقع دتا جائے تے اوہ کیہ کجھ نہیں کرسکدے۔ للی ، یونیسیف دے نال وسطی بھارت دی ریاست مدھیہ پردیش وی گئی جتھے انہاں نے ایسے نوجواناں تے کم عمر بچیاں نال ملاقاتاں کیتیاں جیہڑے انتہائی غربتاں وچ رہ رہے نیں۔ للی سنگھ اپنے دورے وچ کئی منصوبیاں نوں ویکھیا جیہناں وچ اک پروجکٹ دا ناں یوتھ فار چینج ہے تے جس نوں نونیسیف دی حمایت حاصل ہے۔ ایہہ نوجواناں لئی اک لیڈر شپ پروگرام ہے جو انہاں نوں صحت تے صفائی ہی نہیں سگوں تشدد تے استحصال توں تحفظ ،صنفی مساوات تے معیاری تعلیم دی اہمیتبارے کیمونٹی نال رل کے کمکرن وچ مدد کردا ہے۔ انہاں کُڑیاں نوں کراٹے سکھدے ویکھیاتے سراہیا۔ یونیسیف دے ڈپٹی ایگزیکٹو ڈائریکٹر Justin Forsyth نے آکھیا کہ للی سنگھ پہلے ہی اک سپر وومن ہے تے دنیا بھر وچ کُڑیاں نوں خود مختار بنان وچ مدد کررہی ہے۔ سانوں خوشی ہے کہ اوہ اپنے جذبے تے طاقت نوں انہاں بچیاں لئی ورت رہی ہے ۔ بھارت وچ یونیسیف دی نمائندہ یاسمین حق نے آکھیا کہ للی بہوں سارے نوجواناں دے لئی مثالی مٹیار سمجھی جاندی ہے۔ پنجابن للی ڈجیٹل میڈیا دی اک عالمی شہرتاں والی مٹیارہے۔ یوٹیوب تے انہاں دے مداحاں دی تعداد 11 ملین(اک کڑوڑ دس لکھ) توں وادھوہے۔ انہاں دی کتاب how to be a Bawse نیویارک ٹائمز توں بیسٹ سیلنگ کتاب دادرجہ حاصل کرچکی ہے۔ اوہ فوربس میگزین دی سب توں زیادہ متاثرہ کرن والی شخصیاتاں دی لسٹ وچ پہلا مقام حاصل کرچکی ہے۔ انہاں نے سوشل میڈیا تے اک پروگرام Girl Love شروع کیتا ہے جس دا مقصد کُڑیاں دی کُڑیاں نال نفرتاں نوں مکانا ہے۔ ایس پروگرام وچ للی ہوراں بچیاں نال گل بات وی کیتی ا تے انہاں دے سوالاں دے جواب وی دتے۔