اک ہور پاکستانی تے توہین مذہب دا الزام: مشال کیس دا کیہہ بنیا؟

کھاریاں(مانیٹرنگ رپورٹ) پلس بندے نوں پھٹریچ لتا ہے کیونجے خبراں سن کہ اک ہجوم اوس نوں مارن آ سکدا ہے۔ مشال دا وقوعہ ہوئے سو دن ہون والے نیں پر ہلے تیک گل گواچی ہوئی ہے۔ سپریم کورٹ سوموٹو لتا سی پر صوبائی حکومت، خیبر پی کے دی پلس تے تحریک انصاف کیوں ایس نوں لنکارہی ہے؟ تحریک انصاف دے کونسلر نوں نہ ایجنسیاں لبھ سکیاں نہ عدالت پلس نوں کوئی ڈیڈ لین دتی۔ ہن اک ہور خبر کھاریاں توں آئی ہے جتھے اک مسیح تے توہین مذہب دا الزام لگایا گیا ہے۔ایہہ الزام وی مشال خان وانگ نہ ہوئے کہ ایس گل دا پتہ تے عدالت ہی چلانا ہے۔پر ایس لئی عدالت وچ ملزم تے کیس دا جانا لوڑی دا۔پلس کول خبراں آرہیاں سن کہ کجھ مذہبی جماعتاں لوکاں نوں بھڑکا رہیاں سن۔جے عدالت مشال خان دے کیس وچ پانامہ وانگ کوئی تیزیاں وکھایاں ہوندیاں تے ایہہ پیغام تھلے تیک جانا سی۔پر جیبہ تشدد کیس وانگ مردان دے صوفی مشال دا کیس وی چل ہی رہیا ہے۔