اسلام آباد: کمسن گھریلو ملازم تے تشدد دا اک ہور واقعہ: طیبہ کیس کتھے؟

لاہور (مانیٹرنگ رپورٹ)جے طیبہ تشدد کیس وچ موٹر وے تے جج تے سجادہ نشین والے کیس وانگ عمل ہویا ہوندا تاں سب نوں کن ہو جانے سن۔انصاف دے رنگ ہلے وی پھکے نیں۔ وفاقی دارالحکومت وچ کمسن گھریلو ملازم تے تشدد دا ایک ہور واقعہ فیر سامنے آگیا جے۔ 13 سالہ بچے نوں چوری دے الزم وچ تشدد دا نشانہ بناون دی خبر ہے۔ پلس دے مطابق تھانہ شالیمار دے علاقے سیکٹر ایف ٹین دی رہائشی خاتون نے جمے دی شام 5 وجے ریسکیو 15 تے کال کیتی کہ ملازم نے چوری کیتی ہے، ایس نوں گرفتار کیتا جائے۔ پلس جدوں موقع تے پہنچی تے متاثرہ بچے دی والدہ تے دو بھراوی گھر وچ موجود سن تے بچے دی اَکھ تے گہرے زخم دا نشان سی۔ بچے نوں تحویل وچ لے کے میڈیکل لئی پمز ہسپتال منتقل کیتا گیا جتھے ایس دا سی ٹی سکین تے ایکسرے کرایا گیا۔ پلس دا کہنا ہے کہ واقعہ دی تحقیقاں شروع کردتیاں نیں۔ رپورٹ آن تے مزید کاروائی کیتی جائے گی۔پر جے ایتھے وی کوئی طیبہ تشدد ورگا ملزم ہو سی تاں فیر پلس وی در وٹ لے گی۔