چیمپیئنز ٹرافی: پاکستان دی جِت تے انڈیا خلاف نعرے، غداری کا مقدمہ۔مائنڈ سیٹ اک جیہا۔۔ہاہاہا

لاہور(مانیٹرنگ رپورٹ)غداری تے کفر دے قتوی نرا ملا نہیں دیندا کہ ایہہ اوہ ریت ہے جیہڑی سانوں نوآبادیاتی آقا دے گیا سی تے اساں اج تیک اوس نوں سینے نال لا کے رکھیا ہے۔انڈیا دی ریاست مدھیہ پردیش وچ گھٹ توں گھٹ 15 افراد نوں چیمپیئنز ٹرافی دے فائنل دے بعد مبینہ طور تے پاکستان دے حق وچ تے انڈیا دے خلاف نعرے بازی تے گرفتار کیتا گیا ہے۔ پلس نے بی بی سی نوں دسیا کہ انہاں مسلمان بھارتیاں خلاف بغاوت دا مقدمہ درج کر لتاگیا ہے۔ ان افراد دے خلاف شکایت سی کہ انہاں لوکاں نے میچ دے دوران آتش بازی کیتی تے ’پاکستان دے حق‘ وچ نعرے لائے۔ چیمپیئنز لیگ دے فائنل وچ پاکستان نے بھارت نوں 180 رنز توں شکست دتی سی۔ تعزیراتِ ہند وچ بغاوت دا شمار سنگین الزاماں وچ ہوندا ہے۔پر بھارت تے پاکستان، بنگلہ دیش وچ مخالفاں نوں غدار آکھن دی ریت پرانی کہ نوآبادیاتی آقا ایہو کم کردے سن۔بھارت وچ جنہاں افراد دے خلاف بغاوت دا مقدمہ درج کیتا جاندا ہے انہاں نوں اپنے پاسپورٹ حکام دے حوالے کرنے پیندے نیں، اوہ سرکاری نوکریاں لئی نااہل ہو جاندے نیں، انہاں نوں عدالت دے حکم تے پیش ہونا ہوندا ہے تے قنونی کاروائیاں لئی رقم وی ادا کرنی ہوندی ہے۔ روزنامہ انڈیا ٹوڈے دی ویب سائٹ دے مطابق پولیس دا کہنا ہے کہ انہاں افراد دے خلاف مقدمہ پاکستان دے حق وچ نعریاں تے نہیں سگوں انڈیا دے خلاف لائے گئے نعریاں دے وجہ توں درج کیتا گیا ہے۔ ایہہ پہلی مرتبہ نہیں کہ انڈیا وچ مسلماناں نوں پاکستان دے حق وچ نعرے لانے تے مشکل دا سامنا کرنا پیا ہوئے۔ 2014 وچ انڈیا دے زیرِ انتظام کشمیر وچ 66 طلبا نوں اتر پردیش دی یونیورسٹی دی کڈھ دتا گیاسی تے انہاں خلاف دھرمی ملن ورتوں نوں نقصان پہنچان دا مقدمہ درج کیتا گیا سی۔