چین اپنا کوئی حصہ کسی دے حوالے نہیں کرے گا۔چینی صدر۔امریکہ وانگ تگڑی۔وی او ای

لاہور (مانیٹرنگ رپورٹ) چینی فوج دے تگڑے ہون توں امریکہ کیوں ڈردا ہے؟وائس آف امریکہ نوں ڈر ہے کہ چینی فوج جلدی ہی امریکی فوج دے مقابلے وچ آسکدی ہے۔ایس دی تیاریاں ہو چکیاں نیں۔ چینی صدر زی جن پنگ نے حکمران کمیونسٹ پارٹی دے فوجی ونگ دی تشکیل دے 90 سال پورے ہون دے موقع تے اک اعلامیہ جاری کیتا ہے جس وچ آکھیا گیا ہے کہ انہاں دا ملک اپنی سرزمین دا کوئی وی حصہ کدی وی بیرونی فورسز دے حوالے نہیں کرے گا۔ بیجنگ وچ گریٹ ہال آف پیپل وچ کمیونسٹ پارٹی دے عہدے داراں تے پیپل لبریشن آرمی دے اعلیٰ افسراں دے اک اکٹھ نال خطاب کردے ہوئے مسٹر زی نے آکھیا کہ اسی کسی وی قسم دے لوکی ادارے یا سیاسی جماعت نوں چینی سرحد دے کسی وی حصے نوں کسی وی وقت کسی وی قسم توں ملک توں وکھ کرن دی اجازت نہیں دیاں گے۔ انہاں نے زور دے کہ آکھیا کہ کسی نوں ایہہ توقع نہیں کرنی چاہیدی ہے کہ اسی اوہ کوڑھا گٹھ پی لواں گے جو ساڈے اقتدار ااعلیٰ، سیکیورٹی یا ترقیاتی مفاداں لئی نقصان دہ ہوئے گا۔ وائس آف امریکہ دا آکھنا ہے کہ چین دی پیپلز لبریشن آرمی نوں صدر زی دی قیادت وچ جدید بنان دی تیاریاں نیں تانجے چینی فوج امریکہ دے مقاملے وچ آ جائے۔خبر وچ دسیا گیا ہے کہ جینی فوج نوں جدید ترین ٹیکنالوجی تے طیارہ بردار جہازاں توں لیس کیتا جارہیا ہے۔