کبوچی (شفق ڈیسک) فائیو سٹار ہوٹل، جھیلیں، جدید گاؤں بھی بنائے گئے، فارمنگ کی جا رہی ہے، کبوچی چین نے صوبہ اندورن منگولیا سے ملحقہ اپنے علاقے کبوچی میں 6 ہزار مربع کلومیٹر صحرا کو شجرکاری کے ذریعے آباد کرکے دنیا کا بہترین سیاحتی مرکز بنا دیا۔ یہ بات اس صحرا کو آباد کرنیوالی چین کی بڑی کمپنی ایلیان کے چیف انجینئر می فائی ہان نے گزشتہ روز صحافیوں کو بریفنگ دیتے ہوئے کہی۔ انہوں نے بتایا کہ اس صحرا کا مجموعی رقبہ 18ہزار 600 مربع کلو میٹر ہے، اس صحرا میں جدید ترین ٹیکنالوجی سے شجرکاری کا آغاز 28 سا

ل قبل کیا گیا تھا جس پر اب تک 4 ارب یوان (800 ملین ڈالر) خرچ کئے جا چکے ہیں۔ اس صحرا کو آباد کرنیوالی کمپنی چائینہ ایلیان ریسورسز گروپ کو اقوام متحدہ کے صحراؤں کو آباد کرنیوالے شعبہ کیطرف سے ورلڈ ڈرائی لینڈ چیمپیئن کا ایوارڈ بھی مل چکا ہے۔ اس کمپنی نے صحرا میں ہائی وے، جدید مواصلاتی نظام، فائیو سٹار ہوٹل، 7 جھیلیں اور چرواہوں کیلئے جدید طرز کے گاؤں بھی بنائے ہیں۔ بریفنگ میں بتایا گیا کہ کیٹل فارمنگ بھی کی جا رہی ہے، اس میں 10 ہزار گائے اور بھینسیں بھی موجود ہیں۔ کیٹل فارمنگ میں مویشیوں کو گوشت کیلئے استعمال کیا جائیگا۔ انہوں نے کہا کہ اس صحرا میں درخت لگانے سے موسم پر بھی مثبت اثر پڑے ہیں، پہلے یہاں صرف 60 ملی میٹر بارش ہوتی تھی، اب 300 ملی میٹر تک بارش ہوتی ہے۔