دنیا میں کورونا وائرس کے متاثرین کی تعداد کتنی ہو گئی جان کر آپ دنگ رہ جائیں گے

2020 ,مارچ 18



لاہور(مانیٹرنگ ڈیسک): تیزی سے پھیلنے والے کورونا وائرس سے دنیا بھرمیں ہونے والی ہلاکتوں کی تعداد 8500 سے تجاوز کرگئی اور متاثرین کی تعداد 2 لاکھ سے زائد ہوگئی ہے جب کہ 67 ہزار سے زائد متاثرین صحت یاب ہوچکے ہیں۔ وائرس دنیا کے 164 ممالک میں پہنچ چکا ہے جس کے بعد متعدد ممالک میں ہنگامی حالات  اور لاک ڈاؤن نافذ کردیا گیا ہے۔ عوامی و معاشی سرگرمیاں معطل ہونے کے بعد عالمی سطح پر معیشت شدید سست روی کا شکار ہے جس کے باعث دنیا کی بڑی معاشی قوتیں دوسری عالمی جنگ کے بعد پہلی مرتبہ اتنی بڑٰی سطح پر مالی معاونت دینے پر مجبور ہیں۔ دوسری جانب معاشی صورت حال کے باعث عالمی سطح پر بے روزگاری بڑھنے کے بھی خدشات ہیں۔ اقوام متحدہ کی ذیلی تنظیم انٹرنیشل لیبر آرگنائزیشن نے کورونا کے باعث پیدا ہونے والے اقتصادی بحران سے دنیا بھر میں ڈھائی کروڑ ملازمتیں ختم ہونے کا خدشہ ظاہر کیا ہے۔

چین

کورونا وائرس چین سے شروع ہوا اور ہاں اس کے نتیجے میں 80 ہزار سے زائد افراد متاثر اور 3200سے زائد ہلاکتیں ہوئیں تاہم اب وہاں صورت حال میں بہتری کی اطلاعات ہیں۔ ایک اندازے کے مطابق چین میں کورونا سے متاثریں کی تعداد اب 16 سے کچھ زائد ہی رہ گئی ہے۔ ملک کے 34 میں سے 13 صوبوں میں کورنا وائرس پر مکمل طور پر قابو پالیا گیا۔ چین کے کئی شہروں میں سفری پابندیاں ختم اور معمول کی سرگرمیاں بحال کی جارہی ہیں۔ چین میں مقامی کیسز کی شرح گر گئی ہے تاہم دیگر ممالک سے آنے والے شہریوں میں وائرس کے زیادہ کیسز سامنے آرہے ہیں۔

اٹلی
دنیا میں کورونا وائرس سے سب سے زیادہ متاثر ہونے والے ملک اٹلی میں  بدھ کو 475 اموات ہوئیں جس کے بعد ہلاکتوں کی مجموعی تعداد 2978 ہوگئی ہیں۔ متاثرین کی  تعداد میں اب تک کا سب سے زیادہ19 فی صد اضافہ ہوا ہے۔ اٹلی میں کورونا مریضوں کی مجموعی تعداد 35713 تک پہنچ گئی ہے۔ سول پروٹیکشن ایجنسی کے مطابق اٹلی میں 4025 متاثرین صحت یاب ہوچکے ہیں تاہم 2257 مریض انتہائی نگہداشت یونٹ میں داخل ہیں۔ اٹلی کے وزیر اعظم نے کورونا سے سنگین ہوتی صورت حال کے پیش نظر ریٹائرڈ طبی عملے کو بھی مدد کے لیے طلب کرلیا ہے۔

 اسپین

کورونا وائرس سے متاثر ہونے والے تیسرے بڑے ملک اسپین میں وبا سے 491 ہلاکتیں ہوچکی ہیں اور مریضوں کی مجموعی تعداد 11ہزار سے تجاوز کرگئی ہے۔ اسپین کو اٹلی کے بعد یورپ میں دوسرا بڑا مرکز قرار دیا جارہا ہے۔ ملک میں 15 روز سے زائد لاک ڈاؤن کا اعلان کیا گیا ہے۔

ایران

24 گھنٹوں کے دوران ایران میں کورونا وائرس سے 135 مزید ہلاکتیں ہونے کے بعد مجموعی تعداد 988 ہوگئی ہے۔ سرکاری ٹٰی وی کے مطابق ملک میں اس وقت کورونا کے 16169 متاثرین ہیں جب کہ 5389 مریض صحت یاب ہوچکے ہیں۔ دوسری جانب دوسری جانب امریکا نے منگل کے روز ایران پر مزید پابندیاں عائد کرنے کے اعلان کرتے ہوئے امریکی وزیر خارجہ مائیک پومپیو کا کہنا تھا کہ امریکا ایرانی تیل کی برآمدت روکنے کے دباؤ برقرار رکھے گا۔ امریکا نے ایران کی زیر حراست امریکیوں کی رہائی کا مطالبہ بھی کیا ہے۔

جرمنی

چین کے بعد کوروناوائرس کی تباہ کاریاں یورپ میں تیزی سے جاری ہیں اور خطے میں 64ہزار افراد وبا کی لپیٹ میں آچکے ہیں جب کہ ابھی تک 27 اموات کی تصدیق ہوئی ہے۔ جرمنی کے سینٹر فار ڈیزیز کنٹرول نے خبر دار کیا ہے کہ اگر روک تھام کے لیے اقدامات پر پوری طرح عمل درآمد نہیں ہوا تو ملک میں 1 کروڑافراد وائرس سے متاثر ہوسکتے ہیں۔

متعلقہ خبریں