برطانیہ توں 700 غیر قنونی پاکستانی ڈی پورٹ۔ایہہ گئے کنج سن؟ سہولت کاراں نوں پھڑو؟

لاہور(مانیٹرنگ رپورٹ) جے کوئی غیر قنونی طریقیاں نال باہر گیا ہے تے ایس دی کھوج اوہ ادارے لاون جنہاں دا ایس ماملے وچ کوئی لینا دینا نہیں۔برطانیہ دے فیصلے دی ٹئمنگ وی اونتری ہے۔خبر وچ دسیا گیا ہے پئی بر طانوی حکومت دا 700 غیر قنونی پاکستانیاں نوں ڈی پورٹ کرن دا فیصلہ کیتا ہے۔ پہلی پرواز 144 پاکستانیاں نوں لے کے اسلام آباد اپڑ چکی ہے، پر خبر کوئی نہیں۔ا یہہ خبر ہے پئی برطانوی حکومت نے 700 غیر قنونی تارکین وطن پاکستانیاں نوں ڈی پورٹ کرن دا فیصلہ کردے ہوئے فہرست پاکستانی حکومت دے حوالے کردتی ہے جس دی تصدیق وزارت داخلہ نے وی کیتی جے۔ دسیا گیا ہے پئی برطانوی حکومت نے غیر قنونی تارکین وطنیاں خلاف کاروائی کردے ہوئے مختلف علاقیاں توں 700 پاکستانیاں نوں پھڑیچیا سی جیہناں دے خلاف ضروری کاروائی کرکے انہاں غیر قنونی مقیم پاکستانیاں دی فہرست براہ راست حکومت پاکستان دے حوالے کردتی سی۔ گرفتار پاکستانیاں نوں چارٹرڈ طیارے دے ذریعے 5 مختلف پروازاں توں پاکستان پہنچایا جائیگا ۔پہلی پرواز اج (جمعرات نوں) 144 پاکستانیاں نوں لے کے اسلام آباد آئے گی۔ دوجے پاسے وزارت داخلہ نے وی تصدیقاں کیتیاں نیں کہ برطانوی حکومت ولوں 700 پاکستانیاں دی فہرست دتی گئی ہے جس وچ 4 دی شناخت تاحال نہیں ہوسکیاں جیہناں نوں مڑ برطانیہ گھلیا جائیگا۔ ذرائع دے مطابق ایف آئی اے نے برطانیہ وچ غیر قنونی مقیم دی فہرست حاصل کرلتی ہے تے انہاں دے خلاف کاروائی لئی انہاں افراد نوں ایئر پورٹ توں ہی حراست وچ لین دی گل وی خبر وچ لکھی سی۔سوال ایہہ ہے پئی ایہہ کنج باہر گئے سن جداں انہاں کول سفری دستاویزاں نہیں سن۔ایس وچ کیہڑے ادارے ذمہ وار نیں؟ کیہہ اوہی ادارے انہاں بندیاں دی تفتیشاں کرن گے؟حکومت نوں ایس تے کڈا جرمانہ بھرنا پیا؟جے غیر قنونی طریقیاں نال جاون والیاں دے سہولت کاراں نوں نہیں پھڑیچیا گیا تے گل گواچ جائے گی۔