اَسی ------- لکهہ نمازاں نیتیاں،
اَسی سجدے کیتے لکهہ !!
اَسی ------- پکهَو وِچهڑے ڈار دے،
اَسی اپنے آپ توں وَکهہ !!
اَسی ------- ویکهیا دل مخلوق دا،
دل بُوهے بُوهے رَکهہ !!
اَسی -------- راتاں کٹیاں جاگ کے،
لگ باریاں نال کهلو !!
ساڈے ساہ وِچ صبر دی چاشنی،
ساڈی رَگاں دے وِچ خُوشبو !!
اَسی ------- خالی کهوکهے ذات دے،
سانوں چُنجاں مارن کاں !!
اَسی ------ موسم کچے عشق دے،
ساڈی دُهپ بنے، نہ چهاں !!
اَسی ------ مجرم عشق دے جرم دے،
اَسی ------ سُفنے لے اڈیک،
ساتهے روز لگن عدالتاں،
سانوں پے جائے روز تاریخ !!
اَسی ------ جمدے نال دے کابهرے،
اَسی ------ قسمت نال خفا !!
اَسی ------ بهولے وانگ کبوتراں،
اَسی ------ پاگل وانگ ہوا !!
انتخاب: بیتِ ہوا
