صبح صبح افسوسناک خبر : ٹوبہ ٹیک سنگھ میں موت کا رقص جاری ، تفصیلات اس خبر میں
تحریر: فضل حسین اعوان
| شائع دسمبر 27, 2016 | 05:19 صبح
ٹوبہ ٹیک سنگھ (ویب ڈیسک) ٹوبہ ٹیک سنگھ میں کرسمس کے موقع پر زہریلی شراب پینے سے مرنے والوں کی تعداد 23 ہوگئی ہے۔پولیس کے مطابق کرسمس کے موقع پر کرسچین کالونی کے محلہ مبارک آباد میں زہریلی شراب پینے سے 50سے زائد افراد کی حالت غیر ہوگئی تھی ابتدائی طور پر 7 افراد ہلاک ہوئے اور کئی افراد کو تشویشناک حالت میں اسپتال منتقل کیا گیا جہاں مزید افراد دم توڑ گئے جس کے بعد اب تک مجموعی طور پر 23 افراد ہلاک ہوگئے ہیں۔
اسپتال ذرائع کے مطابق زہریلی شراب پینے سے اب بھی
کئی افراد کی حالت تشویشناک ہے جس کے باعث ہلاکتوں میں مزید اضافے کا خدشہ ہے۔دوسری جانب ڈی پی آو فیصل آباد عثمان گوندل کا کہنا تھا کہ زہریلی شراب پینے سے 48 افراد اسپتال منتقل ہوئے جب کہ 2درجن سے زائد افراد کا اسپتال میں علاج جاری ہے۔ ڈی پی او کے مطابق شراب سے پہلی ہلاکت دوپہر 12 بجے رپورٹ ہوئی جب کہ نامعلوم افراد کیخلاف مقدمہ درج کرلیا ہے
