سولو فلائٹ:خیبر پختونخوا دے سارے کالجاں وچ پڑھائیاں ٹھپ۔ تعلیمی بیوروکریسی خلاف ہے

لاہور(مانیٹرنگ رپورٹ)یکساں تعلیمی بندوبست دے نعرے لاون والی پی ٹی آئی اتے جماعت اسلامی کیہہ ہر مسلے دا حل نجکاری سمجھدی ہے؟پی آئی اے دی نجکاری خلاف کھپ پاون والی پی ٹی آئی اتے اوس دے مہان لیڈر یا تے نجکاری بارے آپدے وچار کھل کے دسن یا فیر دہری پالیسیاں نہ چلاون۔ جے بورڈ آف گورنر والا سسٹم ہی لیانا سی تے ساریاں جماعتاں نوں بلا کے اک پالیسی بنادے۔ پر فیراوہ سندھ تے پنجاب وچ اوس پالیسی دی مخالفت نہیں کر سکدے سن۔پی ٹی آئی نوں تصفیہہ تے آندا نہیں سگوں سولو فلائٹ تے چلدے نیں۔ تاں مارے ایہہ بیک فائر ہویا ہے۔تعلیم نال جڑے بیوروکریٹ وی ایس نویں سسٹم نوں خطرہ سمجھدے نیں۔
پروفیسرز اینڈ لیکچررز ایسوسی ایشن ولوں کلاساں دے بائیکاٹ پاروں خیبر پختونخوا دے سارے سرکاری کالجاں وچ پرھائیاں ٹھپ ہوگیاں۔ پروفیسر تے لیکچرار ایسوسی ایشن نے کالجاں وچ بورڈ آف گورنر سسٹم نوں فارغ کردتا۔ چیئرمین ایکشن کمیٹی دے مطابق خیبر پختونخوا دے سارے سرکاری کالجاں وچ استاداں نے کلاساں توں بائیکاٹ کیتا۔ چیئرمین ایکشن کمیٹی جمشید خان دا کہنا ہے کہ حکومت جلد اساتذہ دے اپ گریڈیشن تے پروفیشنل الاؤنس دا مسئلہ وی حل کرے۔