وائی فائی تے نکے کمپیوٹر (ٹیبلیٹس) پنجاب لئی

2017 ,اپریل 29



لاہور (مانیٹرنگ رپورٹ)موٹر وے، میٹرو تے لیپ ٹاپ سکیماں بعدوں ہن پنجاب دی مسلم لیگ (ن) سرکار اک ہور آئیڈیا لے آئی ہے۔ پنجاب دے پنج وڈے شہراں وچ 200 تھاواں تے انٹرنیٹ دی مفت سہولتاں دین لئی وائی فائی لائے جان گے۔ دوجے پاسے وزیر اعلیٰ پنجاب میاں شہباز شریف ایہہ اعلان وی کیتا ہے کہ پنجاب دے سکولاں وچ 50 ہزار نکے کمپیوٹر یعنی Tablets دتے جان گے۔وزیر اعلیٰ ارفع کریم ٹاور وچ پنجاب وی وائی فائی سروس دا فیتہ کٹیا۔ انہاں دا آکھنا سی پئی ترقی لئی جدید ٹیکنالوجی دی بہوں لوڑ ہے۔ پہلے مرحلے وچ لہور، ملتان، فیصل آباد بہاولپور تے پنڈی دی 200 تھاواں تے مفت وائی فائی سروس دتی جائے گی۔ انہاں ایہہ وی آکھ دتا کہ ریکارڈ کمپیوٹرائزڈ کرن نال پٹواری دی طاقت وی گھٹ ہوگئی ہے۔ انہاں نوں کسے دن عام سائل بن کے پٹواری کول جانا چاہیدا ہے۔ ٹیکنالوجی ترقی لئی لوڑی دی ہے پر پٹواری دی حکمرانیاں ہلے وی قائم نیں۔ سرکاری سکولاں دے بچیاں نوں ٹیبلٹس دینا وی چنگا کم ہے اتے ایس وچ انہاں نوں اقلتیاں تے بالڑیاں دا وکھرا کوٹہ رکھنا چاہیدا ہے۔


 

متعلقہ خبریں