فیس بک کی ایک اور شاندار پیشکش : بے روز گار افراد کے لیے بڑا قدم اٹھا لیا گیا

2017 ,فروری 16



واشنگٹن (ویب ڈیسک) فیس بُک نے نوکری کی تلاش میں سرگرداں  لوگوں کے لیے  اسامیوں اور موزوں امیدواروں کی تلاش کا فیچر متعارف کرا دیا۔

سماجی رابطے کی ویب سائٹ فیس بُک نے امریکا اور کینیڈا میں اسامیوں اور موزوں امیدواروں کی تلاش کا فیچر متعارف کرا دیا۔ فیس بُک کے صارفین کمپیوٹر یا موبائل کی مدد سے اپنے فیس بُک اکاؤنٹس سے ہی نئی اسامیوں بارے معلومات حاصل کر سکیں گے اور اپنے اکاؤنٹ سے ہی اس مطلوبہ اسامی کیلئے درخواست جمع کرا سکیں گے۔

کمپنیوں اور اداروں کے سربراہان کو موزوں امیدواروں سے فیس بُک کے ذریعے ہی رابطہ کرنے کی سہولت بھی حاصل ہوگی۔ واضح رہے کہ فیس بُک کا یہ اقدام اس سلسلے کی معروف ویب سائٹ لنکڈ اِن کو براہ راست چیلنج ہے۔

متعلقہ خبریں