نواں ٖفیض آباد۔ پہلے بندے مرواؤ، فیر شیہدی نال کھیڈو۔لندنی ایم کیو ایم دے مگر کون؟

لاہور(مانیٹرنگ رپورٹ)اک پاسے حماد صدیقی نوں عزیر بلوچ وانگ لیایا گیا ہے تے دوجے پاسے پی ایس پی نوں چکیا جارہیا ہے اتے ہن لندنی ایم کیو ایم نوں مجیب الرحمن بنا کے پیش کیتا جا رہیا ہے۔کیہہ فاروق ستار ہوری کوئی گل منن توں انکاری نیں؟ کیہہ انہاں نوں قادری اگے حاضریاں دا آکھیا جا رہیا ہے؟ لندنی ایم کیو ایم دی پھرتیاں فیض آباد دھرنے وانگ ایک ہشیار پتہ ہے؟ کیہہ ہن کراچی وچ نوٹنکی لاون دا پروگرام ہے؟پر ایہہ ہشیار کم کتھے پی پی پی نوں پٹھا ہی نہ پئے جائے؟
متحدہ قومی موومنٹ (ایم کیو ایم) لندن ولوں شہیدی یادگارتے حاضریاں دے اعلان دے بعد عزیز آباد دے مختلف علاقیاں وچ پلس تے رینجرز لا دتی گئی ہے۔ پلس نے عائشہ منزل توں لیاقت علی خان چوک جان والے رستیاں نوں بند کررکھیاہے۔ جناح گراؤنڈ تے نائن زیرو جان والی سٹری وی بند کردتی گئی ہے۔ سینئر سپرنٹنڈنٹ پلس (ایس ایس پی) سنٹرل عرفان بلوچ دے مطابق یادگار شہداء دے آل دوال 500 توں زائد پلس والے ڈیوٹیاں تے نیں تے لوڑ پین تے ہور نفریاں وادھو نیں۔ عرفان بلوچ دے مطابق لیڈی پلس وی ڈیوٹیاں تے ہے۔ دوجے پاسے یادگار شہداء دے باہر پلس دی واٹڑ کینن وی کھلوتی ہے۔ ایس ایس پی سنٹرل دا کہنا سی کہ لندنی ایم کیو ایم نوں کسی صورت یادگار شہداء جان دی اجازت نہیں اتے قنون نوں ہتھ وچ لین والیاں نال سختیاں نال نبڑیا جاسی۔