فاٹا تے سیاستاں: ریفرنڈم توں کون ڈردا ہے؟

لاہور (مانیٹرنگ رپورٹ)اک دوجے تے الزام لائے جارہے نیں۔فاٹا نوں صوبہ کے پی کے وچ واڑن یا وکھرا صوبہ بناون والے دوناں دھڑے ایف سی آر دے خلاف نیں تے جس تے اتفاق ہے اوہ تے کر لو۔فاٹا دے خیبر پختونخوا وچ انضمام بل موخر کرن تے آج فیر قومی اسمبلی وچ ماحول گرم ہوگیا۔ اپوزیشن جماعتاں نے احتجاج تے شور مچایا۔ اپوزیشن لیڈر خورشید شاہ تے محمود قریشی نے محمود اچکزئی تے کڑی تنقید کردے ہوئے آئین دی مخالفت دا الزام لایا۔فاٹا وکھرا صوبہ بنے یا صوبے دا پکھ بنے ایس وچ آئین دی مخالفتاں دا کیہہ ماملہ۔لگدا ہے اندر دی گل کوئی ہور ہے جس بارے کوئی فلور آف ہاوس تے گل نہیں کرنا چاہندا۔ اپوزیشن لیڈر خورشید شاہ نے اظہار برہمی کردے ہوئے آکھیا کہ اک طرف حکومت فاٹا نوں لالی پاپ دینا چاہندی ہے کہ بل لیاواں گے، تے دوجی پاسے اوہ اپنے اتحادیاں دے ذریعے روک دیندی ہے۔ ایہہ بہت وڈی اہم آئینی ترمیم ہے ایس نوں روکن تے میں مذمت کرنا واں۔ مسلم لیگ (ن) دے رکن فاٹا شاہ جی گل آفریدی نے مسلسل بغیر مائیک دے احتجاج کیتا جس تے سپیکر نے انہاں وارننگ دیندے ہوئے آکھیا کہ میں تہانوں چ±ک کے باہر سٹواں دواں گا۔ سپیکر نے شاہ جی گل آفریدی نوں آواز تھلے رکھن دی ہدایت کردے ہوئے آکھیا کہ ایہہ گل کرن دا طریقہ نہیں۔ رہنما پشتون خواہ ملی عوامی پارٹی محمود اچکزئی نے آکھیا کہ قبائلیاں دی مرضی دے بغیر کوئی فیصلہ نہ کیتا جائے۔ سرتاج عزیز نے میرے نال جہیڑا وعدہ کیتا سی اوہ نہیں نبھایا۔ رہنما پی ٹی آئی شاہ محمود قریشی نے آکھیا کہ بلوچستان دے رکن اپنے آپ نوں عقل کل سمجھدے نیں، ت±سی پارلیمنٹ دی خود مختاری دی گل کردے رہے ہوں تے اج کیوں نظر انداز کررہے ہو۔دونوں دھڑے فاٹا دے موجودہ سٹیٹس نوں بدلن تے راضی نیں تے فیر گل ایس توں اگے ودھنی لوڑی دی ہے۔ایس انضمام نال مذہبی تے لسانی اقلیتاں دا تناسب ہور گھٹ جائے گا۔ہزارہ والیاں دے مسئلہ نوں ایس بل نال جوڑنا چاہیدا سی۔جے لوک فاٹا نوں صوبے وچ واڑن دے حق وچ نیں تاں ریفرنڈم توں ڈر کیوں؟