لندن (مانیٹرنگ) برطانوی ہائی کورٹ نے اے آروائے نیوز کی انتظامیہ کو جھوٹے الزامات لگانے پر جنگ ، جیو گروپ کے چیف ایگزیکٹو میر شکیل الرحمان کو 1 لاکھ 85 ہزار پاؤنڈ (تقریباً اڑھائی کروڑ روپے) ہرجانہ ادا کرنے کا حکم سنادیا۔
تفصیلات کے مطابق اے آروائے نیوز کی جانب سے جنگ ، جیو گروپ پر غیر ملکی ایجنٹ، غدار اور اسلام مخالف ہونے سمیت 24 مختلف قسم کے الزامات لگائے گئے تھے جبکہ یہ الزام بھی عائد کیا گیا تھا کہ انہوں نے اے آروائے نیوز کو 30 لاکھ پاؤنڈ کا نقصان پہنچایا ہے۔
برطانوی ہائی کو
رٹ نے میر شکیل الرحمان کو اے آر وائے نیوز کی جانب سے عائد کیے جانے والے تمام الزامات سے بری کردیا۔ ہائی کورٹ نے اے آروائے نیوز کی جانب سے سنگین ترین الزامات عائد کرنے کے بعد ثبوت پیش نہ کرنے اور گواہی نہ دینے پر شدید برہمی کا اظہار کیا اور اے آر وائے نیوز کو 1 لاکھ 85 ہزار پاؤنڈ (تقریباً اڑھائی کروڑ روپے) ہرجانہ ادا کرنے کا حکم سنادیا۔
واضح رہے کہ برطانیہ میں یہ کیس جیتنے کے بعد جنگ اور جیو گروپ کے وکلا دیگر الزامات پر بھی علیحدہ علیحدہ مقدمات کرنے کا ارادہ رکھتے ہیں۔
