جی ایچ کیواسلام آباد :منصوبہ مڑ چالو ہو سی؟ عمران خان ایس نوں وی ڈیل نہ آکھ دین ہورے؟

اسلام آباد (مانیٹرنگ رپورٹ)جی ایچ کیو دی اسلام آباد منتقلی دے منصوبے تے کم دوبارہ شروع کرن دے فیصلے دی خبر میڈیا وچ آئی ہے۔کیہہ اپوزیشن میٹرو وانگ ایس بارے وی احتجاج کر سی؟ جی ایچ کیو جتھے بنانا ہے اوتھے دے رہائشیاں نوں سیکٹر ایچ16 وچ آباد کرن دا منصوبہ بنایا گیا ہے۔ ذرائع دسیا ہے کہ سی ڈی اے نے منصوبے دا جامع پلان بناون دی منظوریاں دے دتیاں نیں۔ سی ڈی اے نے جی ایچ کیو بناون لئی 870 ایکٹر اراضی الاٹ کیتی سی، جی ایچ کیو لئی ایہہ زمین سیکٹر ای 10 تے ڈی11وچ الاٹ کیتی گئی سی۔ سی ڈی اے ولوں زمین دی قیمت ادا کرن تے اعتراض چکیا گیا سی تے پی اے سی نے وفاقی حکومت نوں نقصان پورا کرن دی ہدایت کیتی سی۔ویسے ایہہ نقصان ڈی ایچ اے والیاں توں لینا چاہیدا سی کہ انہاں جی ایچ کیو دی طاقتاں نال بڑا مال بنایا ہے۔ ذرائع دا کہنا ہے کہ سی ڈی اے نے آرمی توں 870 ایکڑ زمیناں دے 703 ملین روپے وصول کیتے۔حساب لاؤ کہ اک کینال کڈے دا پیا؟ جی ایچ کیو دی اسلام آباد وچ تعمیر دا منصوبہ 2005 وچ روک دتا گیا سی، سی ڈی اے نے آرمی نوں 191 ملین روپے دی تاخیری رقم وی معاف کردتی سی۔ دیالو سی ڈی نے اج تیک کس کس نوں رقماں معاف کیتیاں نیں، کدی ایس دی ٹریل وی ویکھنی چاہیدی ہے۔ ذرائع نے دسیا کہ متاثرہ رہائشیاں دی آباد کاریاں لئی 7ہزار پلاٹ چاہیدے ہون گے۔ متاثرہ رہائشیاں دی آباد کاری لئی آرمی4 قسطاں وچ 6 بلین روپے اداکرے گی۔ نویں جی ایچ کیو دی تعمیر دا ٹھیکا این ایل سی یا ایف ڈبلیو او نوں دتے جان دا امکان ہے۔ویکھو ایس تے عمران خان کیہہ آکھدے نیں؟ کتھے اوہ ایس نوں وی مک مکا یا ڈیل نی آکھ دین۔انہاں دی اخیری امید تے ہن جے آئی ٹی ہی ہے تے ہرکارے وی وادھو متحرک نیں۔