حمزہ شہباز نے نیب ترمیمی آرڈیننس سے فائدہ نہ لینے کا فیصلہ کرلیا۔

حمزہ شہباز نے نیب ترمیمی آرڈیننس سے فائدہ نہ لینے کا فیصلہ کرلیا۔ ترمیمی آرڈیننس کی بنیاد پر بری کرنے کی استدعا واپس لے لیا۔ احتساب عدالت نے میرٹ کی بنیاد پر بریت کی درخواست پر وکلا سے دلائل طلب کرلئے۔حمزہ شہباز نے ملک ساجد حسین اعوان کی احتساب عدالت میں کہا کہ ان کو اللہ پاک اور آپ کی عدالت پر انصاف ملے گا یقین ہے وہ پہلے بھی اس میں دو سال جیل میں رہے ہیں وہ حکومت کی طرف سے سے دی گئی کسی سہولت سے فائدہ نہیں اٹھانا چاہتے وہ اپنا کیس لڑیں گے اس لئے ان کی درخواست واپس کی جائے۔ شہباز خاندان کے خلاف آشیانہ اقبال، منی لانڈرنگ اور رمضان شوگر ملز ریفرنس کی سماعت ہوئی۔ شہباز شریف کورونا کا شکار ہونے کے باعث احتساب عدالت میں پیش نہ ہوئے۔ عدالت نے شہباز شریف کی حاضری معافی کی درخواست منظور کرلی۔ عدالت نے منی لانڈرنگ ریفرنس میں نیب کے گواہوں پر جرح کرنے کا حکم دیا۔ رمضان شوگر ملز ریفرنس میں حمزہ شہباز نے ترمیمی آرڈیننس کی بنیاد پر فائدہ نہ لینے کی استدعا کر دی۔ حمزہ شہباز نے مؤقف اختیار کیا کہ ترمیمی آرڈیننس سے فائدہ لینے کا فیصلہ وکلاء کا تھا، میرٹ کی بنیاد پر سرخرو ہونا چاہتا ہوں، عدالت نے حمزہ شہباز کی استدعا پر ترمیمی آرڈیننس کی بنیاد پر دائر درخواست واپس کر دی۔ عدالت نے وکلا کو بریت کی درخواست پر میرٹ کی بنیاد پر 27 جنوری کو دلائل دینے کی ہدایت کر دی۔ احتساب عدالت میں حمزہ شہباز کی پیشی کے موقع پر سکیورٹی کے کڑے انتظامات کئے گئے اور عدالت کے اطراف آنے والے راستوں کو رکاوٹیں کھڑی کر کے بند کیا گیا۔