”میں عالیہ بھٹ کی وجہ سے کامیاب ہوں کیونکہ“ ہانیہ عامر نے ناقابل یقین بات بتا دی

2019 ,مئی 27



لاہور (مانیٹرنگ رپورٹ) خوبرو پاکستانی ماڈل و اداکارہ ہانیہ عامر نے فلم انڈسٹری میں کامیابی اور زیادہ کام ملنے کی وجہ بالی ووڈ اداکارہ عالیہ بھٹ کو قرار دیدیا ہے۔  اداکارہ ہانیہ عامر کا کہنا ہے کہ کسی بھی پروڈیوسر کو کم عمر اداکارہ، چہرے پر معصومیت اور ڈمپل والی لڑکی کی ضرورت ہو تو سب سے پہلے مجھ سے رابطہ کیا جاتا ہے اور عالیہ بھٹ کو اگر بھارت میں کسی برانڈ میں شامل کیا جاتا ہے تو پاکستانی کمپنیاں مجھ سے رابطہ کر کے کمرشل میں کام کیلئے کہتی ہیں۔

    انہوں نے کہا کہ میں عالیہ بھٹ کی مداح ہوں اور کئی فلمیں دیکھ چکی ہیں جبکہ ان کی تہہ دل سے مشکور ہونے کیساتھ ملاقات کی بھی متمنی ہوں۔ عالیہ بھٹ کے علاوہ دپیکا پڈوکون اور پریانکا چوپڑا کی اداکاری اچھی لگتی ہے جبکہ پاکستان میں ماہرہ خان کی اداکاری پسند کرتی ہوں۔ایک سوال کے جواب میں انہوں نے بتایا کہ میری فیملی میں سے کوئی بھی شوبز انڈسٹری میں کام نہیں کرتا۔ ہم دو بہنیں ہیں اور مجھ سے چھوٹی بہن ابھی پڑھ رہی ہے، امی کو زمانہ طالب علمی میں اداکاری کا شوق تھا لیکن انہوں نے اسے پروفیشن نہیں بنایا۔

    متعلقہ خبریں