اگلے جمعہ جلسہ۔ جے آئی ٹی نامنظور؟ انگریزاں دی تعریفاں۔مسئلہ کیہ ہے ؟عمران خان

لاہور (مانیٹرنگ رپورٹ)گل دھاندلیاں دی ہوئے یا پانامہ دی، بس نواز شریف استعفیٰ دے دین۔ایس انتشار دا ٹیچا سعودی اتحاد وچ حاضریاں لئی سازگار ماحول دینا۔تاں مارے عمران خان راحیل شریف دی نوکری بارے اسمبلی وچ قرارداد جمع کروانی بھل گئے۔ہن پتہ چلیا کہ چیف نال ملاقات وچ کیہہ کہیا گیا سی۔اک وار فیر عمران خان دا یہو مطالبہ ہے، وزیر اعظم استعفی دین۔ ہن آکھدے نیں پئی عدالت تہانوں نہیں کڈھیا تاں تسی اخلاقی طور تے آپ ہی استعفیٰ دے چھڈو۔ 28 اپریل نوں اسلام آباد جلسے دا علان کرن والے عمران خان جے آئی ٹی نوں وی تنقیداں وچ رکھیا اتے آکھیا ادارے تے وزیراعظم دے تھلے نیں تے اوہ کنج کھوج لا سکدے نیں۔ ڈیوڈ کیمرون دی مثال دیندے ہوئے اوہ بھل گئے کہ اوس نیں تے بریگسٹ دا بھار نویں وزیراعظم ول ٹوریا سی اتے نویں وزیراعظم ہن ایہو بھار نویں چوناں ول ٹوریا ہے۔ جے کمیرون کوئی غلط کم کیتا ہوندا تے اوس خلاف کوئی مقدمہ چلدا۔ انگریز کڈے جمہوریت پسند نیں ایہہ ساڈے توں ودھ کون جاندا ہے۔دو سو سال جتیاں کھا کے وی ساڈے سیاستدان ، اشرافیہ تے براو¿ن صاحب انگریزان دی جمہوریت دی تعریفاں کردے نیں تے ایس نوں پرانے آقا دی چمپی یا نویں نوکری دی تلاش ہی آکھیا جا سکدا ہے۔ عمران خان آکھیا جے آئی ٹی نری اوس ویلے کامیاب ہوسی جداں وزیراعظم کوئی ہور ہوئے۔ خان صاحب مڑ دھرنیاں ول جانا چاہندے نیں ،کیہہ کوئی نواں اشارہ ہے یا انہاں نوں سولین ادارے دے انڈرتقتیشاں منظور نہیں؟