ایم ایم اے دا جواب۔ سمیع الحق نال اتحاد۔ سیاسی شطرنج اتے ڈر

لاہور(مانیٹرنگ رپورٹ) متحدہ مجلس عمل دے بت وچ جان پین نال کس کس نوں کن ہوئے ایس دا لشکارا سب ویکھ رہے نیں۔ ہور کسے نوں فرق پئے یا نہ پئے پر پرانے صوبہ سرحد اتے نویں صوبہ خیبر پختونخوا دی سیاست وچ اتھل پتھل وادھو۔ پرویز خٹک نوں اپنی پئے گئی ہے کیونجے ایم ایم اے بنن پاروں جماعت اسلامی دے نکلن دا ڈر۔ ہشیار خٹک ہوراں سمیع الحق نوں اگے کر کے سیاسی شطرنج دی مہارتاں دا ثبوت دتا۔بس فیر عمران خان نوں سمیع الحق نال ملنا پئے گیا۔چوناں تے بہوں دور نیں فیر ایہہ ڈر کس دا سی؟ کیوں ایم ایم اے دا جواب دتا گیا؟ کیہہ عمران تے خٹک نوں سینیٹ دی چوناں توں پہلاں اپنی سرکار جاندی نظر آ رہی ہے؟تاں مارے اوہ سمیع الحق کول ایس نوں بچاون ٹر گئے نیں؟جمعیت علماء اسلام(س) دے کڈے بندے صوبائی اسمبلی وچ نیں؟ جے جماعت اسلامی وکھری ہو جاندی ہے، شیرپاؤ نال نہیں تاں فیر پی ٹی آئی سرکار دے دن تھوڑے۔ہن سمیع الحق ایس نوں کنج بچا سکدے نیں، ایہو کنڈی سمجھن دی لوڑ ہے؟کیہہ ایہہ سیاسی شطرنج تے کوئی نلف ہے یا فیر مولانا کول کوئی ایسی کنڈی ہے جس پاروں اوہ دبا پاسکدے نیں؟ایم ایم اے تے سمیع الحق دے بغیر وی چل سکدی ہے پر صوبہ خیبر پختونخوا دی سرکار جماعت اسلامی توں بغیر نہیں چل سکدی۔خٹک دی پھرتیاں پاروں سب نوں پتہ چل گیا پئی کپتان گھابریا ہویا ہے۔ہن عمران نوں سمیع الحق دا بھار وی چکنا ہوئے گا۔بختاور بھٹو تاں مارے عمران نوں طالبان خان آکھ دتا۔