جج کھوسہ خلاف ریفرنس؟ عمران خان کیوں پریشان؟ہاشمی سچا سی؟

لاہور(مانیٹرنگ رپورٹ)جاوید ہاشمی ہوری جو کجھ آکھدے رہے نیں اوس بارے شک وی کیتا جائے تاں وی سیاستاں وچ جو کجھ 28 جولائی توں پہلے یا بعد وچ ہورہیا ہے اوہ وادھو ثبوت۔ قالین تے ہیٹھاں لکیا گند باہر آن دے نیڑے نیڑے ہے۔ ایہہ خبر ہلے وی وچ ہوا دے کھلوتی ہے پئی جج کھوسہ ہوراں خلاف ریفرنس آرہیا ہے یا نہیں؟ ایس دی تصدیقاں توں پہلے ہی عمران خان دے کھپ پاون نال گل کسے ہور پاسے ٹر گئی ہے۔ ہر کوئی سوچدا ہے پئی بنی گالہ وچ ایڈی پریشانیاں کیوں ودھ گیاں نیں؟ تصدیقاں توں پہلے ہی بیان دین پاروں خان صاحب آپ اوس گل بارے دھیان ودھا دتا ہے جس بارے جاویدہاشمی کڈے چر توں کوک رہے نیں۔ جج ہوری ریوو وچ بیٹھدے نیں یا نہیں، ایس بارے اوہ آپ فیصلہ کرسکدے نیں تے انہاں نوں عمران خان دی حمائیت دی کوئی لوڑ وی نہیں، سگوں خان ہوراں دا بیان لوکاں نوں کسے ہور پاسے لیجا رہیا ہے جیہڑا گھٹ و گھٹ جج ہوراں دے مفاداں وچ نہیں۔