ممبئی (شفق ڈیسک) بالی ووڈ سپر سٹار امیتابھ بچن نے کہا ہے کہ ہالی ووڈ جن ممالک میں گیا وہاں کی فلم انڈسٹری کو ختم کر دیا، بھارت میں ہم اس کا ڈٹ کر مقابلہ کر رہے ہیں اور کرتے رہیں گے۔ اپنے 74 ویں جنم دن پر میڈیا سے گفتگو کی سوشل میڈیا کے مطابق امیتابھ بچن نے کہا کہ بھارتی فلم انڈسٹری کے مستقبل پر گزشتہ 43برس سے سوال سن رہا ہوں میں کہہ دینا چاہتا ہوں کہ فلم سازی کا یہ عمل رکنے والا نہیں وقتی مشکلات آئی ہیں اور آتی رہیں گی۔بھارتی فلم سازی ایک تاریخ ہے، پرانے ہدایت کاروں نے جب اپنی مشہور فلمیں بنا

ئیں تو اس وقت ان کے ذہن میں کیا تھا اس سے ہم بھی ناواقف تھے اور آئندہ کے لوگ بھی رہیں گے۔ اس حوالے سے کام کی ضرورت کو نظر انداز نہیں کیا جا سکتا۔ انہوں نے فلموں کی پروموشن کے عمل کی اہمیت کو مانتے ہوئے کہا کہ پہلے تو فلم کی کامیابی و ناکامی کا فیصلہ کرنے میں وقت لگتا تھا مگر اب فلم کی قسمت کا فیصلہ جمعہ سے اتوار کے درمیان ہو جاتا ہے اس لئے فلم کی پرومشن کیلئے اداکار کو کئی شہروں میں پروگرامات کرنا پڑتے ہیں۔