ساڈے لاپتا ہون والے 74دفاعی اہلکار پاکستان دے قبضے وچ نیں: بھارت دا الزام

2017 ,فروری 9



ویں دِلی(مانیٹرنگ)بھارت نے الزام لایا اے کہ اوہدے لاپتا ہون والے 74دفاعی اہلکار پاکستان دے قبضے وچ نیں۔  جمعرات نوں بھارتی میڈیا دے مطابق وزیر مملکت برائے خارجا امور وی کے سنگھ نے راجیہ سبھا وچ اک تحریری جواب اندر دسیا کہ خیال کیتا جا رہیا اے کہ ساڈے لاپتا ہون والے 74دفاعی اہلکار پاکستان دے قبضے وچ نیں پر اوہناں دی موجودگی دے حوالے نال گوانڈھی ملک ولوں اجے تک کوئی بیان ساہمنے نہیں آیا۔

وی کے سنگھ دا کہنا سی کہ حکومت نے اعلا سطح سنے ہور فورم اُتے پاکستانی حکام ساہمنے ایس مسئلے نوں چُکیا اے۔ اوہناں نے دسیا کہ ایم ڈی پی دی اک کمیٹی نے 2007وچ پاکستانی جیلاں دا دورا کیتا سی پر ایہناں لاپتا بندیاں دی اوتھے موجودگی دے ثبوت نہیں ملے۔ اوہناں دا کہنا سی کہ حکومت گوانڈھی ملک نال ایس معاملے نوں چُک رہی اے۔ وی کے سنگھ نے آکھیا کہ پاکستانی جیلاں وچ 208بھارتی شہری موجود نیں جہناں وچوں 61سول قیدی تے 147مچھیرے شامل نیں۔

متعلقہ خبریں