یورپی پارلیمنٹ: فوجی عدالتاں تے پھانسیاں پاروں پاکستان تے تنقیداں

2017 ,جون 16



لاہور (مانیٹرنگ رپورٹ)یورپی پارلیمنٹ نے کل آذربائیجان، پاکستان تے انڈونیشیا تے شدید تنقیداں کیتیاں کہ پاکستان تے کیتی جان والی تنقیداں وچ فوجی عدالتاں تے پھانسیاں پاروں انصاف نہ ملن دی گل کیتی گئی۔یورپی پارلیمنٹ ولوں پاکستان وچ پھانسیاں دین دے تناسب وچ اصافیاں بارے تشویشاں پاروں عالمی پدر تے پاکستان دی پوزیشن کمزور ہوئی ہے۔آکھیا گیا ہے کہ پھانسیاں وچ اجہے وی سن جنہاں دی عمراں نکیاں سن، جو ذہنی بیمار سن اتے ایسے وی جنہاں دی اپیلاں بارے فیصلے نہیں ہوئے سن۔اسمبلی دی قرارداد وچ آکھیا گیا کہ پاکستان عالمی پدر تے من چکی پالیسیاں دا پالن کرے جس دا ٹیچا ہے کہ پاکستان سزائے موت دا مکمل خاتمہ چاہندا ہے۔پارلیمنٹ وچ توہین مذہب دے قنوناں بارے وی گل ہوئی اتے قنون دی حکمرانی وچ فوجی عدالتاں نوں رکاوٹ آکھیا گیا۔قرارداد وچ انسانی حقاں لئی کم کرن والیاں، مذہبی اقلیتاں تے این جی اوز دی اوکڑاں بارے وی گل کیتی گئی۔آذربائیجانی تے جارجیائی سرکاراں نوں انسانی حقاں تے جرنلسٹاں خلاف ہون والی کاروائیاں دی کھوج بارے آکھدے ہوئے کھوجی افغان جرنلسٹ مختارلی دے کیس بارے توجہ دین دا آکھیا گیا۔ ایس جرنلسٹ نے جارجیا وچ پناہ لتی ہوئی سی اتے ایس نوں جارجیا توں پھڑیچ کے آذدبائیجان لیجایا گیا گتھے اوہ مقدمے بھگت رہیا ہے۔انڈونیشیا وچ وی مذہبی تے دوجی اقلیتاں بارے قرارداد وچ گل کیتی گئی۔
 

متعلقہ خبریں