جمال خشوقجی کا ناحق قتل سعودی عرب کو دنیا میں اکیلا کرنے لگا۔۔۔ جرمنی کے بعد ڈنمارک اور فن لینڈ نے ایسا اعلان کر دیا کہ شاہ سلمان کی نیند اُڑ گئی

ڈنمارک ( ویب ڈیسک ) جرمنی کے بعد ڈنمارک اور فن لینڈ نے بھی سعودی عرب کو اسلحےکی فروخت بند کردی ، برطانیہ اور فرانس کی جانب سےبھی اسلحہ سپلائی میں کمی کی گئی ہے ، جبکہ امریکا اسلحہ دینے والے ممالک میں سرفہرست ہے۔پابندی کا اعلان ایک رپورٹ میں کیا گیا ۔

امریکی میڈیا کی ایک رپورٹ میں کہا گیا ہے کہ ڈنمارک اور فن لینڈ نے سعودی عرب کو اسلحےکی فروخت بند کرنے کا اعلان کیا ہے اس سے قبل جرمنی نے سعودی عرب کو اسلحہ کی فروخت مزید محدود کرتے ہوئے جاری معاہدے بھی ختم کرنےکا اعلان کیا تھا ۔ ڈنمارک کے وزیرخارجہ کا کہنا ہے کہ اسلحہ سپلائی بند کرنے کا فیصلہ یمن جنگ اور صحافی جمال خاشقجی واقعے کے باعث کیا گیا ہے ۔ اسٹاک ہوم انٹرنیشنل پیس ریسرچ انسٹی ٹیوٹ کے اعدادو شمار کےمطابق برطانیہ اورفرانس کی جانب سے بھی سعودی عرب کواسلحےکی فروخت میں کمی آئی ہے ، برطانیہ نے2016 میں 843ملین ، 2017 میں 436ملین ڈالرکا اسلحہ سپلائی کیا۔فرانس نے2015 میں 174ملین ، 2016 میں91ملین اور 2017 میں 27 ملین ڈالرکا اسلحہ فراہم کیا ۔ اسپین کی جانب سےبھی اسلحےکی سپلائی میں کمی دیکھی گئی ہے ۔ سعودی عرب مختلف ممالک سے سالانہ 4.1 ارب ڈالرمالیت کا اسلحہ خرید رہا ہے، جس میں امریکا 61 فیصد سپلائی کے ساتھ سرفہرست ہے ۔ امریکا 3.4ارب ، برطانیہ 436 ملین، فرانس 27 ملین جبکہ دیگرممالک 225 ملین ڈالرکا اسلحہ سپلائی کر رہے ہیں ۔ ہتھیارفروخت کرنے والے ممالک میں کینیڈا ، چین ، ترکی ،  جنوبی افریقا ، جارجیا ، سربیا اور اٹلی بھی شامل ہیں ۔