طیب اْردگان ایران جان گے۔نویں یاریاں، پر اساں کتھے ہاں؟

لاہور(مانیٹرنگ رپورٹ)جس تیزیاں نال دنیا دا بوتھا بدل رہیاہے اوس وچ اساں کتھے کھڑے ہاں؟ کیہہ اساں پانامہ تے اقامہ اتے نویں سیاسی دھڑے بندیاں بناون توں فارغ ہو سکاں گے؟اس سلسلے وچ پارلیمنٹ نوں وڈے فیصلے کرنے ہون گے۔پر جو داخلہ وزیر کل آکھیا ہے اوس توں پتہ چلدا ہے پئی اساں ہن وی اندر دی اکھاڑ پچھاڑ توں باز نہیں آئے۔ ہن تساں خبر پڑھو۔
ترک صدر رجب طیب اردگان ایرانی قیادت دے نال سانجھے سانگیاں تے علاقائی صورتحال تے گل بات کرن لئی 4 اکتوبر نوں تہران دا دورہ کرن گے۔ ایہہ گل صدر اردگان نے پچھلے دیہاڑ ترکی نیوز چینل الف خبر نوں خصوصی انٹرویو دیندے ہوئے آکھی۔ ایس موقع تے انہاں نے آکھیا کہ انہاں دے دورے توں پہلاں ترکی دے چیف آف جنرل سٹاف جنرل خلوسی آکار تہران جان گے۔ ترک صدر نے مزید آکھیا کہ ساڈے اسلامی جمہوریہ ایران دے نال نیڑے دے سانگے نیں تے آئندہ دورے دے موقع تے ایران ترکی سانجھے سٹریٹجک اقتصادی کمیشن دا اکٹھ کیتا جائے گا۔ انہاں ایہہ وی دسیا پئی اکتوبر وچ اساں ایرانی قیادت نال ات گردیان مکاون لئی سانجھے پروگرام دی گل وی کراں گے اتے قندیل دے پہاڑی علاقیاں وچ دہشتگردی دے خلاف کاروائی سنے سانجھے مسلیان تے خطہ بارے وی گل بات ہوسی۔