امزد چیف جسٹس میاں ثاقب نثار نے کہا ہے کہ ہم اچھے دنوں کے لیے پرامید ہیں، بار اور بنچ ایک جسم کے دو حصے ہیں،جو بھی مسائل ہیں ان کو حل کرنے کی کوشش کی جائے گی،ہمیں اپنی ذمے داری کا احساس ہے، بار اور بنچ میں خلیج کا سن کر حیران ہوا ہوں،چیف جسٹس انور ظہیر جمالی کا دور شاندار تھا۔
سپریم کورٹ بار کے صدر رشید رضوی نے کہا ہے کہ بار اور بنچ ایک گاڑی کے دو پہیے ہیں لیکن بار کو نظرانداز کیا جا رہا ہے،کچھ عرصے سے بار اور بنچ میں خلیج بنی ہوئی ہے،سوشل میڈیا بے لگام ہوگیا ہے، ججزکوبدنام کر نے کیلیے کچھ دنوں سے سوشل میڈیا پر ایک مہم چلائی جا رہی ہے۔
انہوں نے کہا ہے کہ 2007ءکے بعد سے سول سوسائٹی کا مثبت کردار سامنے آیا، خوشی اس بات کی ہے کہ وہ واپس کمیونٹی میں آ رہے ہیں،چیف جسٹس کے ریٹائرڈ ہونے پر دکھ ہے۔