کراچی دا گند صاف کرن چینی مشیناں آگیاں۔ سندھ سالڈ ویسٹ بورڈ

لاہور (مانیٹرنگ رپورٹ)سندھ دے لوکل گورنمنٹ دے وزیر جام خان شورو ہوراں دسیا ہے کہ مکینکل جمعدار ہن کراچی دا سارا گند صاف کر دین گے۔سندھ سالڈ منیجمنٹ بورڈ دسیا ہے کہ گند صاف کرن دی مشیناں اپڑ چکیاں نیں۔ڈسٹرکٹ ساوتھ وچ کم شروع ہے اتے ضلع ایسٹ وچ وی کم شروع ہو جا سی۔ایہہ مشیناں دس ٹن وزن دا گند اک وار وچ چک لیندیاں نیں۔پہلے گلی محلیاں توں گند اک نزدیکی تھاں اکٹھا کیتا جاندا ہے اتے فیر ایتھوں انہاں مشیناں نال تھکانے لایا جاندا ہے۔ ہن ایہہ میڈیا دا کم ہے کہ اوہ ایس بارے پیش رفت نال لوکاں نوں آگاہ رکھے۔جے کم ٹھیک ہے تاں صوبائی سرکار نوں تھپکیاں دے۔