صحافی اچکزئی نوں کس چکیا؟ صحافی تنظیماں کتھے نیں؟

لاہور(مانیٹرنگ رپورٹ)ظفر اللہ اچکزئی کوئٹہ دے اک صحافی ہی نہیں سگوں اک اخبار ’’قدرت‘‘ دے مالک دے منڈے وی نیں۔ انہاں تے الزام ہے کہ انہاں کوئٹہ وچ 23جون نوں ہون والے دھماکے بعدوں اک سیکورٹی ادارے خلاف سوشل میڈیا تے مہماں اساریاں سن۔سادہ کپڑیاں والے آئے تے اوس نوں لے گئے اتے ہم کسی نوں کجھ پتہ نہیں۔ وڈا سوال ایس طریقہ کار بارے ہے اتے ایس بارے بہوں گلاں ہوندیاں رہیاں نیں۔ایہہ اک اخبار مالک تے پریشر وی ہوسکدا ہے تے آزادی صحافت دا مسئلہ وی کہ صحافتی تنظیماں، چینل تے اخباری ملکاں دی تنظیماں ایس بارے طریقہ کار کیوں نہیں بدلواندے۔
سوال جرم تے تقنیش دا نہیں سگوں طریقہ کار دا ہے اتے ایہہ کسی دے خلاف وی ہو سکدا ہے؟ اج کوئٹہ ہویا تے کل کراچی، لہور، اسلام آباد ہوسکدا ہے۔کیہہ پارہ چنار دھماکے بعدوں سوشل میڈیا تے گلاں نہیں ہویاں سن؟ فیر تفتشاں کیتیاں تے مسئلہ نوں سمجھداری نال حل کیتا گیا۔ہن اجہے کماں پاروں تے کھپ پینی ہی ہے۔صحافیاں دے تحفظاں بارے کم کرن والی عالمی تنظیم وی اچکزئی بارے گل کیتی اتے بی بی سی، وائس آف امریکہ سنے عالمہ میڈیا تے وادھو خبراں۔جے طریقہ کار ٹھیک ہوئے تے ایڈی کھپ کیوں پئے۔جے سی پی جے بھارتی کشمیر وچ صحافیاں دے چکے جان دی خبر دے تے اساں اوس نوں حق منیندے ہاں تے جے اوہ کوئٹہ بارے اجہی خبر دے تاں اوہ سازش نہیں سمجھی جائے گی۔تفتیشاں تے دنیا بھر وچ ہوندیاں نیں پر کسی طریقے پاروں۔فوٹو لیک والے دا ناں عدالت دے آکھن بعد وی اساں دسنا نہیں؟ نواب لغاری نوں کس چکیا اساں دسنا ناہیں، ہن ایہہ اچکزئی دا ماملہ، ایس سب بارے سرد جنگی سلسلیاں توں اگے ودھن دی لوڑ ہے۔