آسٹریلیاں وچ اک پاکستانی دا قتل، قاتل گرفتار۔ نسلی قوم پرستی دا خدشہ

2017 ,اپریل 7



سڈنی(مانیٹرنگ رپورٹ) پیٹرول پمپ تے کم کرن والے ایک 29 سالہ پاکستانی ذیشان اکبر نوں 15 تے 16 سالاں دی عمراں دے دو منڈیاں چھریاں مار کے قتل کردتا۔ آسٹریلیا دے وزیراعظم ایس وقوعے دا نوٹس لے لتا اتے جوائنٹ ٹیم نوں واقعہ بارے پوری رپورٹ بناون دا آرڈر کردتا۔ پلس دا آکھنا ہے پئی ایہہ منڈے ترے ہور وقوعیاں وچ وی پائے گئے نیں اتے انہاں نوں گرفتار کرلتا گیا ہے۔ نیو ساو¿تھ ویلز پلس تے انہاں نوں سڈنی وچ لبھیا تے پھڑیچا۔ وزیراعظم آسٹریلیا میلکم ٹرن بل ہوراں ات گردیاں نال نبڑن لئی جوائنٹ کاونٹر رازم ٹیم نوں تحقیقاں دی ذمہ واریاں دتیاں نیں۔بریگسٹ تے ٹرمپ توں بعد آسڑیلیا وچ وی اک انڈر کرنٹ خوف دی لہر جاری ہے اتے انتہا پسندیاں بارے وادھو ماحول سب نوں تنگ کر رہیا ہے۔مقامی پلس دے ہیڈ روڈسمتھ ہوراں آکھیا ہے ایہہ اک خوفناک واقعہ ہے اتے اساں ہن مڑ اجہیا واقعہ نہیں ہون دواں گے۔سنڈے مارنگ ہیرالڈ ملزماں وچوں اک منڈے دی ماں دا بیان چھاپیا ہے جس وچ اوس دسیا ہے کہ میرا منڈا پچھلے کچھ ہفتیاں توں اونتریاں حرکتاں کر رہیا سی تے ریڈیکل ہو گیا سی۔آسڑیلیا دی اسمبلیاں وچ ایس بارے فکراں وادھو کہ انہاں پہلے توں یورپ وچ پھیل چکی نسلی انتہا پسندیاں دے نال نبڑن بارے قنون وچ تبدیلیاں کیتیاں نیں۔ڈپٹی کمشنرکیتھرائن برن آکھیا ہے پئی سولہ سالہ منڈے دا ات گرداں نال تعلق ہو سکدا ہے۔پلس دسیا ہے پئی سی سی ٹی وی نیٹ ورک پاروں ملزماں نوں پھڑیا گیا ہے۔

متعلقہ خبریں