لندن (مانیٹرنگ رپورٹ) لیڈی ڈیانا خوابوںمیں آتی ہیں، مدد مانگتی ہیں۔ پوچھتی ہیں بتا کیوں نہیں دیتے میں زندہ ہوں۔ عوام کی شہزادی کے سابق ملازم نے برطانوی اخبار کو خصوصی انٹرویو میں کہا کہ شہزادی ڈیانا ان کے خوابوں میں آتی اور ان سے مختلف باتیں کرتی ہیں۔ پال بوریل کا کہنا تھا یہ خوفزدہ کرنے والی بات نہیں مگر ایسا ہی ہے ڈیانا ان کے خوابوں میں آتی ہیں۔ میں چاہتا ہوں کہ وہ مجھ سے کہیں کہ پال ٹھیک ہے تم نے جو زندگی اپنے لئے منتخب کی ہے اس کے مطابق اسے بسر کرو لیکن ایسا کہنے کے لئے وہ زندہ نہیں ہیں۔ پال نے بتایا کہ کسی کو اس طرح کے واقعات پر اختیار نہیں ہوتا۔ میں اکثر یہ سوچ کر سونے لگتا ہوں کہ شاید آج ایسا نہ ہو لیکن وہ پھر میرے خواب میں آ جاتی ہیں۔ وہ مجھ سے کہتی ہیں کہ تم دنیا کو بتا کیوں نہیں دیتے کہ میں زندہ ہوں۔