ملٹری اکیڈمیاں وچ آئین پڑھایا جائے، سینیٹراں دا مطالبہ

لاہور(مانیٹرنگ رپورٹ) نصابی کتاباں بھانویں سرکاری ہون یا نجی تعلیمی اداریاں دی اوس بارے کوئی غور نہیں کردا۔ سوال ایہہ ہے کیہہ اوہ غور نہیں کردے یا ماملہ کوئی ہور ہے؟ سندھ، پنجاب، خیبر پی کے دی نصابی کتاباں وچ ڈکٹیٹراں دی تعریفاں ایس گل دا ثبوت پئی تعلیم آپ قید ہے۔سنیٹراں نوں تعلیم نوں صوبیاں توں مڑ مرکز وچ لیاون لئی نہیں سگوں تعلیم نوں آزاد کروان لئی کوششاں کرنیاں چاہیدیاں نیں۔ جے آئین دا سندھی ترجمہ ہو گیا ہے تاں پنجابی، پشتو تے بلوچی ترجمہ کیوں نہیں؟ سینیٹ تے چات زباناں نوں اردو دے نال نال قومی زباناں وی آکھیا سی۔
اسلام آباد: ملک دے آئین تے قنوناں توں متعلق عوام وچ شعور پیدا کرنا وقت دی لوڑ کیونجے عوام اپنے بنیادی حقاں نوں جان سکن۔ ایس ملک وچ آئین دے تحفظ دے ذمہ واراں نے آئین دی خلاف ورزیاں کیتیاں اتے آئین توڑن والیاں نوں اج تک سزا نہیں ملی جس پاروں آئین دے تقدس دی پامالیاں ہوئیاں۔ آئین نوں توڑن والے اج وی کھلے عام پھردے نیں۔ انہاں خیالاں دا ظہار پچھلے روز سینٹ وچ چوہدری تنویر خان دی تحریک تے ارکان نے کیتا۔ چوہدری تنویر خان نے آکھیا کہ سانوں ایسی سفارشاتاں مرتب کرنیاں ہون گیاں جس پاروں عوام نوں اپنے حقاں بارے جانکاریاں ہوسکن۔ ایس سب نوں سانوں اپنے نصاب وچ شامل کرنا ہوئے گا۔ انہاں نے سفارش کیتی کہ آئین دا اردو زبان وچ ترجمہ ہونا چاہیدا ہے۔ جدید دور وچ آئین دی مادری زباناں وچ ریکارڈنگ ہونی چاہیدی ہے۔ بنیادی حقاں دی جانکاریاں لئی میڈیا کردار ادا کرسکدا ہے۔ عوام نوں قنون تے آئین دی مکمل آگاہی حاصل ہوئے گی تے اوہ آئین دی خلاف ورزی تے آواز چک سکدے نیں۔ فرحت اللہ بابر نے آکھیا سابق فوجی حکمران ضیاء الحق نے آکھیا سی آئین کیہ ہے، نرا پندرہ صفحیاں دی اک دستاویز جس نوں اوہ ٹکڑے ٹکڑے کرسکدے نیں۔ دوجے پاسے مشرف دا کہنا سی کہ جے ملک دی سکیورٹی داؤ تے لگی ہوئے تے آئین دی کوئی لوڑ نہیں۔ سینیٹراں نے ملک دی ساری فوجی اکیڈمیاں وچ آئین پڑھان دا مطالبہ کیتا تے ایس سلسلے وچ بابائے قوم قائداعظم دے کوئٹہ وچ فوجی افسراں نال خطاب دا حوالہ دتا۔ ضرورت ایس امر دی ہے کہ عوام دی آگاہی لئی مضمون دے طور تے آئین پڑھایاجائے۔ انہاں نے آکھیا کہ ساڈے ایتھے ڈکٹیٹر آئین نوں پامال کردا ہے اوہ عدالت جان دے بجائے ہسپتال پہنچ جاندا ہے۔ ڈکٹیٹر تے ایس دے معاون نوں سزا ملے گی تے آئین نوں تحفظ تے احترام ہوئے گا۔ انہاں نے آکھیا کہ سارے دفتراں توں آمراں دی تصویراں نوں ہٹادتا جائے۔ ملک دے آئین نوں پامال کرن والے ڈکٹیٹر نوں واپس لیایا جائے۔ چیئرمین سینیٹ میاں رضا ربانی نے اپنی آبزرویشن وچ آکھیا کہ سینیٹراں نوں ایس تے حیرانی ہوئے گی کہ اج وی سندھ تے پنجاب دی نصابی کتاباں وچ ڈکٹیٹر شپ دے فیدیاں تے سبق رلتی نیں جیہناں وچ ڈکٹیٹر شپ دے فیدیاں تے یارا جداں کہ جمہوریت دے فیدیاں تے اٹھ مضامین شامل نیں۔ ایسے حالات وچ تُسی آئین دے حوالے نال کس طراں آگاہی پیدا کرسکدے نیں۔ سسی پلیجو نے آکھیا سانوں ایس راہنما نوں خراج تحسین پیش کرنا ہوئے گا جس نے قوم نوں متفقہ آئین دتا۔ انہاں آکھیا پئی آمراں نوں کھلے عام سزاواں ملن گئیاں جیہناں نے ملک نوں یرغمال بنایا تے فیر ہی آئین دا تقدس بحال ہوئے گا۔ باہر بیٹھا اک آمر سیاسی فتویٰ جاری کردا ہے ۔۔ تاج حیدر نے آکھیا کہ آئین دے آرٹیکل 16-17 سمیت مختلف دفعات دی اہمیت نال عوام نوں آگاہ کرنا ہوئے گا جس وچ بچیاں دی تعلیم دا آرٹیکل وی ہے۔۔ میاں عتیق نے آکھیا میں تاجر برادری نال تعلق رکھدا ہوئے تاجراں توں متعلق قنون بناندے وقت تاجراں نوں اعتماد وچ نہیں لیتا جاندا۔ تنویر الحق نے آکھیا کہ سانوں آئین وچ دتے گئے بنیادی حقوق توں عوام نوں آگاہ کرنا ہوئے گا۔ سنیٹر عثمان کاکڑ نے آکھیا کہ ہر ادارے توں متعلق قنون انہاں دے باہر دروازیاں تے آویزاں ہونے چاہیدے نیں۔ کاغذات نامزدگی ہر سطح دی ہوئے ایس وچ امیدوار نوں آئین توں آگاہی نوں لازمی قرار دتا جائے۔ سنیٹر مرتضیٰ وہاب نے آکھیا کہ مشترکہ مفادات کونسل دے بارے وچ قنون موجود ہے کہ ہر 90 روز دے بعد ایس دا اجلاس ہوئے گا کیہ ایس تے عمل ہورہیا ہے؟ وزیر تعلیم بلیغ الرحمن نے آکھیا کہ تعلیم صوبیاں نوں چلاگیا ہے۔ 2006 توں وفاق ایس حوالے توں کم کررہیا ہے۔ وزیر قنون زاہد حامد نے آکھیا کہ وزارت قنون نے ویب سائٹ بنائی ہے جس تے 1869 توں 2017 تک دے قنون موجود نیں۔ چیئرمین رضا ربانی نے آکھیا کہ آئین انگریزی وچ ہے ایس دا ترجمہ کرنا ہوئے تے اوہ سندھی اردو وچ ایس دا ترجمہ بدل جائے گا۔ زاہد حامد نے آکھیا اسی بہتر توں بہتر لوکاں دی خدمات لتیاں نیں جو ٹیکنیکل طور تے صیح ترجمہ کرسکن تاکہ آئین تے قنون دی شقاں تے اصلاحاتاں دا مطلب تبدیل نہ ہوئے۔