دوسری جانب روسی میڈیا نے دعویٰ کیا ہے کہ ہائی جیکرز نے معاہدے کے تحت مسافروں کو رہا کرتے ہوئے ہتھیار ڈال دیئے جس کے بعد مالٹا کے سیکیورٹی اداروں نے انہیں حراست میں لیتے ہوئے تفتیش شروع کردی۔

اس سے قبل ہائی جیکرز نے دعویٰ کیا تھا کہ ہمارے پاس دستی بم ہیں اور اگر ہمارے مطالبات نہ مانے گئے تو جہاز کو اڑا دیا جائے گا تاہم بعدازاں ہائی جیکرز ہتھیار ڈالنے پر راضی ہوگئے جب کہ اس سے قبل کہا جارہا تھا کہ دونوں ہائی جیکرز لیبیا کے سابق مقتول صدر معمرقذافی کے حامی ہیں جو ان کے بیٹے کی رہائی چاہتے ہیں