میرا دل وی چاہندا مدینے نُوں جاواں
اوہ ویکھو مدینے نُوں جاندے نیں لوکی
اوہ وگڑے مُقّدر بناندے نیں لوکی
میں وی جا کے سُتّے نصیبے جگاواں
میرا دل وی چاہندا مدینے نُوں جاواں
بُلاوے جے مینُوں مدینے دا والیؐ
میں آکھاں ایہہ چُم چُم کے روضے دی جالی
کرو میرے آقاؐ میرئیاں معاف خطاواں
میرا دل وی چاہندا مدینے نُوں جاواں
جُدائیاں دے دُکھڑے ۔۔۔
سدا اُٹھدا بیہندا ایہہ طالب ؔ پُکارے
میں جا کے مدینے دے ویکھاں نظارے
صُبح شام رو رو ایہہ منگدا دُعاواں
میرا دل وی چاہندا مدینے نُوں جاواں
جُدائیاں دے دُکھڑے میں کِس نُوں سُناواں
صلی اللہ علیہ وسلم
