مشال خان قتل نوں5مہینے۔ میڈیا چپ۔ سوموٹو دا کیہہ بنیا؟ عمران کجھ نہ کر سکیا؟

لاہور(مانیٹرنگ رپورٹ)صوفی مشال قتل کیس قنون نوں ہتھ وچ لین دا اعلان وی ہے، ریاست دی رٹ نوں چیلنج کرن دا لشکارا وی اتے مذہبی انتہا پسندیاں دا بوتھا وی، پر ریاست ایس تے خموش ہے؟
 میڈیا ، سیاسی جماعتاں اتے پردھان ادارے در وٹی بیٹھے نیں۔کیہہ ایہو ساڈا اصل بوتھا جے؟
کل ڈان نیوز دے پروگرام ’’ذرا ہٹ کے‘‘ وچ مشال نوں یاد کیتا گیا جس وچ مشال دے پیو اقبال ہوراں وی گل بات کیتی اتے دسیا پئی صوبائی سرکار کنج روڑت اٹکا رہی ہے۔انہاں آکھیا ہلے تیک عدالت وچ جے آئی ٹی رپورٹ وی جمع نہیں کروائی گئی۔خٹکی سرکار مشال دے پیو دی مدد لئی ماٹھے وکیل دین دی گل کر کے اپنا آپ وکھا دتا ہے۔ہن مشال دے پیو نوں وکیلاں دی مڑ توں تلاش ہے۔عمران خان تے مشال دے گھر جا کے اعلان کیتا سی پئی مشال نوں انصاف دواواں گا؟ پر اوہ تے پیٹی آئی دے اوس کونسلر نوں پھڑوا نہیں سکے جس دا ناں وڈے ملزماں وچ رلتی سی؟ نہ ہی خان ہوری خٹک نوں مشال دے پیو نوں ملن اوس دے گھر گھل سکے۔
ویسے تے میڈیا تے جداں بہوں کھپ پئی سی تے چیف دسٹس وی سو موٹو لتا سی ، پر ایس دے باوجود پنجپہینے لنگھ چکے نیں۔ایہہ الزام وی لگیا سی پئی خیبر پی کے دی پلس نے آپنے بھائی بنداں نوں بچاون دی کوششاں وی کیتیاں نیں۔ہن تے میڈیا وی ایس کیس نوں بھل چکیا ہے۔150دناں بعدوں وی کیس اوتھے ہی کھلوتا ہے۔ہورے لوک طیبہ تشدد کیس وانگ ایس نوں وی بھل جان گے؟