صوفی مشال شہید:ریاست ا تے عدالت تے2017دا وڈا قرض

لاہور (مانیٹرنگ رپورٹ) اٹھ توں ودھ مہینے لنگھ چکے نیں۔ چیف جسٹس ہوراں سوموٹو وی لتا سی اتے میڈیا وی ایس نوں بہوں چکیا سی۔پر کیہہ ایس دا انجام وی مختاراں مائی کیس وانگ ہوئے گا؟ حکمران صوبائی جماعت دے وزیر اعلی نوں تے پرسا دین دا ویلہ وی نہیں ملیا۔اپریل دی13تریخ دا وقوعہ ہے پر ہلے تیک پی ٹی آئی دے کونسلر نوں آزاد پلس پھڑیچیا نہیں۔ کیس وچ بہوں سارے بندے رلا کے اوس نوں پہلے ہی خراب کر دتا گیا اتے باقی کسر عدالتی بندوبست اتے وکیلاں کڈھ دتی۔ہر مسلے تے بولن والے عمران خان گونگلواں توں مٹی لاون توں بعدوں ہک وار وی ایس بارے گل نہیں کیتی۔ انہاں نوں ماڈل ٹاؤن تے یاد ہے پر مشال نوں بھل چکے نیں۔مشال تے جھوٹا الزام کس، کیوں لایا سی؟ہک یونیورسٹی وچ دن دہاڑے جو کجھ ہویا اوس دے ویڈیو کلپ سب دے سامنے۔سیکورٹی والیاں کیہہ کیتا اوہ وی لکیا نہیں۔نواں مہینا چل رہیا ہے تے کیس عدالت وچ گھجل، کیہہ ایہہ انصاف ہے جس دے دعوے نیں۔ جے ایہہ کیس سندھ وچ ہویا ہوندا تاں وزیر اعلی دی پیشیاں چل رہیاں ہوندیاں۔سوال بہوں پر جواب نشتہ۔ہر سال ویساکھی نوں صوفی مشال یاد آئے گا۔