صوفی مشال قتل کیس:8مہینے لنگھ گئے۔چیف جسٹس سو موٹو لتا سی؟
2017 ,دسمبر 5
لاہور(مانیٹرنگ رپورٹ)صوفی مشال دا دن دیہاڑے قتل اپریل وچ ہویا سی۔ خیبر پی کے دی آزاد پلس اج تیک حکمران تحریک انصاف دے کونسلر نوں نہیں پھڑ سکی۔ سپریم کورٹ دے چیف جسٹس اک سوموٹو وی لتا سی۔ کیہہ صوفی مشال دے پچھ لگ وی فیض آباد وانگ دھرنا دین گے تاں ادارے کجھ کرن گے؟ خیبر پی کے دے ہشیار وزیر اعلی نوں تے ایہہ توفیقاں وی نہیں ہوئیاں پئی اوہ اک وار مشال دے پیو نوں پرسا ہی دے آندے۔ عمران خان وی اک چکر لا کے گونگلواں توں مٹی چھاڑ دتی سی۔کیس گھجل خوار تاں ہو رہیا ہے پئی جے آئی ٹی والیاں وی پلس دے انہاں بندیاں بارے در وٹ لتا سی جنہاں دی ویڈیو سوشل میڈیا تے چلدیاں رہیاں سن۔کیس خراب کرن لئی سٹھ بندے پھڑیچ لتے سن پئی پلس جداں کیس خراب کرنا ہوئے تے اینج ہی کردی ہے ہر تھاں۔میڈیا نوں کون چیتے کرائے پئی کدی انہاں دن رات مشال، مشال دی پکار کیتی سی پر ہن لمی چپ۔طیبہ تشدد کیس وانگ ایس بارے وی عدالت بے وس ہی ہے؟ ات گردی مکاؤ عدالت کیس نوں لما کر رہی ہے اتے ہن ایبٹ آباد توں کتھے کیس جائے گا؟چیف جسٹس سندھ دے وزیر اعلی نوں پانی وغیرہ تے سدھ لتا ہے تے خیبر پی کے دے آئی جی، جے آئی ٹی اتے وزیر اعلی نوں مشال کیس وچ کیوں نہیں بلاندے؟