لاہور(مانیٹرنگ رپورٹ)سپیشل لوکاں یعنی معذوراں، انیاں، گونگیاں، بولیاں بارے گل کرن لئی وڈی ذمہ واریاں لوڑی دیاں نیں۔ ایس مسئلے نوں سیاستاں دی نظر کرن توں بچانا لوڑی دا ہے۔ پر پچھلے کجھ ورہیاں توں آفتاں اتے سپیشل لوکاں دے مسئلیاں تے ہی نہیں سگوں ڈاکٹراں دی ہڑتالاں تے وی سیاستاں وادھو۔ کدی کسے نوں تھر(سندھ) یاد آجاندا ہے، کدی کراچی دا کوڑا، کدی سپیشل لوک یاد آندے نیں۔ سوال ایہہ ہے پئی ڈاکٹراں دی ہڑتالاں تے انہاں مسلیاں دے حل کیہ نیں، ایس بارے خموشیاں۔ کیہ کدی میڈیا یا سوشل میڈیا تے انہاں دے حل ب

ارے وی گل کیتی یا نرا پواڑا ہی پیندا ہے؟ تھر دے مسلیاں دے حل دی تھاں ٹارگٹ سندھ سرکار یا پی پی پی، اینج ہی سپیشل لوکاں دی ویڈیوز نکل رہیا ں نیں۔ کیہ پرائم شو تے سپیشل بچیاں دے حوالے نال کدی پروگرم ہوندے نیں؟ مسئلہ کیہ ہے؟ حل کیہ نیں اتے میڈیا نوں کیہ کرنا لوڑی دا ہے؟ ایس بارے ریڈیو پروگرام آپ سنو۔ لنک دے رہے ہاں جس وچ سشیل ایجوکیشن نال جڑے لوک گل بات کررہے نیں۔ڈیٹا دس دا ہے پئی بہوں لوک ایس کم وچ جڑے وی نیں اتے سپیشل لوکاں دی تعلیم نوں عام لوکاں دی تعلیم نال جوڑن بارے وی کم ہو رہیا ہے۔پر ایہہ مسلہ نہ تے نرا پنجاب دا ہے اتے نہ ہی ایس نوں اینج چکنا چاہیدا ہے جس پاروں اوہی لوک بے دل ہو جان جیہڑے ایس تے کم کر رہے نیں۔ ایس مسلے نوں سیاستاں توں پراں رکھ کے ویکھنا لوڑی دا ہے کیونجے ایہہ ہک وڈا انسانی مسئلہ جے۔ایہہ ریڈیو پروگرام26اکتوبر2017نوں مست ایف ایم 103دے لہور سٹوڈیو وچ ریکارڈ کیتا گیا سی جس وچ کنگ محل دے پرنسیل شہزاد ہارون بھٹہ،شیخ پرویز،نوشابہ بی بی اتے سپیشل بچیاں لئی گیت گاون والے ہک سنگر رلت کیتی سی۔