ﻣﯿﺮﺍ ﺍﻟﻠﮧ ﺍﻧﺴﺎﻥ ﮐﻮ ﮔﻤﺮﺍﮦ ﻧﮩﯿﮟ ﺩﯾﮑﮫ ﺳﮑﺘﺎ...!!

2020 ,مارچ 13



ﺑﻌﺾ ﺍﻭﻗﺎﺕ ﺍﻧﺴﺎﻥ ﮐﭽﮫ ﺍﯾﺴﮯ ﺭﺍﺳﺘﻮﮞ ﭘﮧ ﭼﻞ ﭘﮍﺗﺎ ﮨﮯ ﺟﻮ ﺍﻟﻠﮧ ﮐﻮ ﭘﺴﻨﺪ ﻧﮩﯿﮟ ﮨﻮﺗﮯ - ﺍﻟﻠﮧ ﺍﻧﺴﺎﻥ ﮐﻮ ﺍﭘﻨﯽ ﻃﺮﻑ ﺑﻼﺗﺎ ﮨﮯ - ﻭﮦ ﭼﺎﮨﺘﺎ ﮨﮯ ﮐﮧ ﺍﻧﺴﺎﻥ ﻭﺍﭘﺲ ﻣﮍ ﺟﺎﺋﮯ - ﻟﯿﮑﻦ ﺍﻧﺴﺎﻥ ﻧﮩﯿﮟ ﻣﺎﻧﺘﺎ، ﺍﺱ ﮐﺎ ﻧﻔﺲ ﺍﺳﮯ ﺳﺮﮐﺸﯽ ﭘﮧ ﺍﺑﮭﺎﺭﺗﺎ ﮨﮯ - ﺷﯿﻄﺎﻥ ﺑﮩﮑﺎﻭﮮ ﻣﯿﮟ ﻻﻧﮯ ﮐﮯ ﻟﯿﮯ ﺗﺎﻭﯾﻠﯿﮟ ﭘﯿﺶ ﮐﺮﺗﺎ ﮨﮯ - ﺍﻭﺭ ﺍﻧﺴﺎﻥ ﺁﻧﮑﮭﯿﮟ ﺑﻨﺪ ﮐﯿﮯ ﺍﺱ ﺭﺍﺳﺘﮯ ﮐﻮ ﺻﺮﺍﻁ ﻣﺴﺘﻘﯿﻢ ﺳﻤﺠﮭﺘﺎ ﺁﮔﮯ ﺑﮍﮬﺘﺎ ﭼﻼ ﺟﺎﺗﺎ ﮨﮯ -
ﺍﺱ ﺣﻘﯿﻘﺖ ﺳﮯ ﺍﻧﺠﺎﻥ ﮐﮧ ﺍﻧﺴﺎﻧﻮﮞ ﮐﻮ ﺧﻮﺍﺏ ﺳﻮﻧﭙﮯ ﺗﻮ ﻭﮦ ﺁﻧﮑﮭﯿﮟ ﺑﯿﭻ ﮐﮭﺎﺋﯿﮟ ﮔﮯ - ﻭﮦ ﺍﭘﻨﮯ ﺧﻮﺍﺑﻮﮞ ﮐﻮ ﺍﻟﻠﮧ ﮐﻮ ﺳﻮﻧﭙﻨﮯ ﮐﯽ ﺑﺠﺎﺋﮯ ﺍﭘﻨﯽ ﺁﻧﮑﮭﯿﮟ ﺍﻧﺴﺎﻧﻮﮞ ﮐﮯ ﭘﺎﺱ ﮔﺮﻭﯼ ﺭﮐﮫ ﺩﯾﺘﺎ ﮨﮯ -
ﺍﻟﻠﮧ ﺍﻧﺘﻈﺎﺭ ﮐﺮﺗﺎ ﮨﮯ، ﺍﻧﺴﺎﻥ ﮐﮯ ﭘﻠﭧ ﺁﻧﮯ ﮐﺎ - ﮐﺒﮭﯽ ﺗﻮ ﻣﻨﮧ ﻣﻮﮌ ﮐﺮ ﺍﭘﻨﮯ ﺍﺻﻞ ﮐﯽ ﺟﺎﻧﺐ ﺩﯾﮑﮭﮯ ﮔﺎ - ﻣﯿﺮﺍ ﺍﻟﻠﮧ ﺍﺳﮯ ﭼﮭﻮﭨﯽ ﭼﮭﻮﭨﯽ ﭨﮭﻮﮐﺮﯾﮟ ﻟﮕﺎﺗﺎ ﮨﮯ، ﻟﯿﮑﻦ ﻧﻔﺲ ﮐﯽ ﭘﻮﺟﺎ ﮐﺮﺗﺎ ﺍﻧﺴﺎﻥ ﻧﮩﯿﮟ ﻣﺎﻧﺘﺎ - ﻣﺰﯾﺪ ﺁﮔﮯ ﺑﮍﮪ ﺟﺎﺗﺎ ﮨﮯ -
ﻣﮕﺮ ﺍﺱ ﺭﺏ ﻧﮯ ﺍﻧﺴﺎﻥ ﮐﻮ ﻭﺍﭘﺲ ﺑﻼﻧﺎ ﮨﻮﺗﺎ ﮨﮯ ﺍﭘﻨﯽ ﻃﺮﻑ ! ﮨﺮ ﺻﻮﺭﺕ ﻣﯿﮟ ! ﮨﺮ ﻣﻤﮑﻦ ﺣﺎﻝ ﻣﯿﮟ ! ﺍﻭﺭ ﺍﯾﺴﺎ ﮐﺮﻧﮯ ﮐﮯ ﻟﯿﮯ ﺍﻟﻠﮧ ﺍﻧﺴﺎﻥ ﮐﮯ ﭘﯿﺮﻭﮞ ﺗﻠﮯ ﺳﮯﺯﻣﯿﻦ ﮐﮭﯿﻨﭻ ﻟﯿﺘﺎ ﮨﮯ ﺍﻭﺭ ﺍﻧﺴﺎﻥ ﻣﻨﮧ ﮐﮯ ﺑﻞ ﺟﺎ ﮔﺮﺗﺎ ﮨﮯ -
ﺍﻟﻠﮧ ﻣﻨﮧ ﮐﮯ ﺑﻞ ﮔﺮﺍﺗﺎ ﮨﮯ، ﺍﻭﺭ ﺟﻦ ﮐﮯ ﭘﺎﺱ ﺁﻧﮑﮭﯿﮟ ﮔﺮﻭﯼ ﺭﮐﮭﯽ ﮨﻮﺗﯽ ﮨﯿﮟ ﺍﻥ ﮐﺎ ﺍﺻﻞ ﺩﮐﮭﺎ ﮐﺮ، ﺍﻥ ﮐﯽ ﺣﻘﯿﻘﺖ ﻭﺍﺿﺢ ﮐﺮ ﺩﯾﺘﺎ ﮨﮯ - ﻭﮦ ﺍﻧﺴﺎﻥ ﮐﮯ ﺧﻮﺍﺏ ﭼﺮﺍ ﮐﮯ ﺧﺎﻟﯽ ﭘﺘﻠﯿﺎﮞ ﺁﭖ ﮐﻮ ﻭﺍﭘﺲ ﮐﺮﺗﮯ ﮨﯿﮟ، ﺗﻮ ﺁﭖ ﺑﮯﯾﻘﯿﻦ ﺁﻧﮑﮭﯿﮟ ﻟﯿﮯ ﺣﯿﺮﺕ ﺯﺩﮦ ﺭﮦ ﺟﺎﺗﮯ ﮨﯿﮟ -
ﭘﮭﺮ ﻣﯿﺮﺍ ﺍﻟﻠﮧ ﺗﻮ ﮨﮯ ﮨﯽ ﺁﻧﮑﮭﻮﮞ ﻣﯿﮟ ﺭﻧﮓ ﺑﮭﺮﻧﮯ - ﺍﭘﻨﯽ ﺭﺣﻤﺖ ﺳﮯﺍﻥ ﺁﻧﮑﮭﻮﮞ ﮐﻮ ﺳﯿﻨﺖ ﺳﯿﻨﺖ ﮐﺮ ﺩﻭﺑﺎﺭﮦ ﺭﻧﮕﯿﻦ ﮐﺮﻧﮯ - ﻭﮦ ﺍﻥ ﺁﻧﮑﮭﻮﮞ ﻣﯿﮟ ﻧﺌﮯ ﺧﻮﺍﺏ ﺑﮭﺮﺗﺎ ﮨﮯ - ﻭﮦ ﺧﻮﺍﺏ ﺟﻦ ﻣﯿﮟ ﺍﻣﯿﺪﯾﮟ ﺻﺮﻑ ﺍﺳﯽ ﺳﮯ ﺟﮍﯼ ﮨﻮﺗﯽ ﮨﯿﮟ - ﺍﻭﺭ ﺟﻮ ﺍﻟﻠﮧ ﮐﮯ ﮨﻮﺗﮯ ﮨﯿﮟ ﺍﺯﻝ ﺳﮯ، ﺻﺮﻑ ﺩﻧﯿﺎﻭﯼ ﺑﮭﻮﻝ ﺑﮭﻠﯿﻮﮞ ﻣﯿﮟ ﮔﻢ ﮨﻮ ﮐﺮ ﺍﺳﮯ ﺑﮭﻮﻝ ﺟﺎﺗﮯ ﮨﯿﮟ ﻭﮦ ﺍﺱ ﺣﮑﻤﺖ ﮐﻮ ﺳﻤﺠﮫ ﺟﺎﺗﮯ ﮨﯿﮟ، ﺑﺎﻏﯽ ﻧﮩﯿﮟ ﺑﻨﺘﮯ - ﺍﻧﮩﯿﮟ ﻋﻠﻢ ﮨﻮﺗﺎ ﮨﮯ ﺑﻐﺎﻭﺕ ﺍﻭﺭ ﺯﯾﺎﺩﮦ ﺗﮑﻠﯿﻒ ﺩﮮ ﮔﯽ -
ﮐﯿﻮﻧﮑﮧ ﺍﻟﻠﮧ ﭘﮭﺮ ﮔﺮﺍﺋﮯ ﮔﺎ، ﭘﮭﺮ ﺍﭨﮭﺎﺋﮯ ﮔﺎ !-
ﭘﮭﺮ ﮔﺮﺍﺋﮯ ﮔﺎ، ﭘﮭﺮ ﺍﭨﮭﺎﺋﮯ ﮔﺎ !- ﮐﯿﻮﻧﮑﮧ ﺍﺳﮯ ﺍﭘﻨﮯ ﺑﻨﺪﮮ ﺳﮯ ﻣﺤﺒﺖ ﮨﻮﺗﯽ ﮨﮯ - ﻭﮦ ﺍﭘﻨﮯ ﺑﻨﺪﻭﮞ ﮐﻮ ﮔﻤﺮﺍﮦ ﮨﻮﺗﺎ ﻧﮩﯿﮟ ﺩﯾﮑﮫ ﺳﮑﺘﺎ -
ﺍﻭﺭ ﺍﯾﮏ ﺑﺎﺕ ﮨﻤﯿﺸﮧ ﯾﺎﺩ ﺭﮐﮭﯿﮟ ﺍﮔﺮ ﺍﻟﻠﮧ ﭨﮭﻮﮐﺮ ﻟﮕﺎﺗﺎ ﮨﮯ ﺗﻮ، ﺳﻨﺒﮭﺎﻟﻨﮯ ﮐﮯ ﻟﯿﮯ -
ﺍﮔﺮ ﻣﻨﮧ ﮐﮯ ﺑﻞ ﮔﺮﺍﺗﺎ ﮨﮯ ﺗﻮ، ﭘﮭﺮ ﺳﮯ ﺍﭨﮭﺎﻧﮯ ﮐﮯ ﻟﯿﮯ -
ﺍﮔﺮ ﮐﺒﮭﯽ ﺍﭘﻨﮯ ﺳﺎﻣﻨﮯ ﺫﻟﯿﻞ ﮐﺮﺗﺎ ﮨﮯ ﺍﻭﺭ ﮨﻤﺎﺭﯼ ﺍﻭﻗﺎﺕ ﺩﮐﮭﺎ ﺩﯾﺘﺎ ﮨﮯ ﺗﻮ، ﺻﺮﻑ ﺍﻭﺭ ﺻﺮﻑ ﺩﻧﯿﺎ ﮐﮯ ﺳﺎﻣﻨﮯ ﮨﻤﯿﮟ ﻋﺰﺕ ﺩﯾﻨﮯ ﮐﮯ ﻟﯿﮯ -
ﮐﯿﻮﻧﮑﮧ ﺍﻟﻠﮧ ﻣﺤﺒﺖ ﮨﮯ
ﺍﻭﺭ ﻭﮦ ﻣﺤﺒﺖ ﮐﺮﻧﺎ ﺟﺎﻧﺘﺎ ﮨﮯ

متعلقہ خبریں