شہدائے کربلا کی عظیم قربانی کی یاد میں شہر شہر گلی گلی نویں محرم الحرام کے جلوس

تحریر: فضل حسین اعوان

| شائع اکتوبر 11, 2016 | 13:16 شام

لاہور (مانیٹرنگ ) شہدائے کربلا کی عظیم قربانی کی یاد میں شہر شہر گلی گلی نویں محرم الحرام کے جلوس نکالے جا رہے ہیں ، جلوس میں علم اٹھائے عزاداروں کی بڑی تعداد شریک ہے ۔ جگہ جگہ سیکورٹی کے بھی سخت انتظامات کئے گئے ہیں ۔ شہر شہر ، گلی گلی شہدائے کربلا کی عظیم قربانی کی یاد میں ماتمی جلوس کراچی میں نویں محرم کا جلوس نشتر پارک سے دوپہر ایک بجے برآمد ہوا جو مختلف راستوں سے ہوتا ہوا امام بارگاہ حسینیہ ایرانیاں میں اختتام پذیر ہوگا ۔ اس موقع پر سیکورٹی کے بھی سخت انتظامات ہیں ، لاہور میں نویں محرم

کا مرکزی ماتمی جلوس نثارحویلی سے برآمد ہوا جو کربلا گامے شاہ پر اختتام پذیر ہوگا ۔ جلوس کی سیکیورٹی کیلئے جگہ جگہ پولیس اہلکار تعینات ہیں ۔ پشاورمیں نویں محرم الحرام کا مرکزی جلوس امام بارگاہ حسینیہ صدر کینٹ سے برآمد ہوا جس میں عزاداروں کی بڑی تعداد شریک ہے ۔ جلوس کی گذرگاہوں پر جگہ جگہ سبیلیں بھی لگائی گئی ہیں اور سیکورٹی کے بھی انتظامات سخت ہیں ۔ اسلام آباد اور راولپنڈی میں نویں محرم الحرام کی مناسبت سے جلوس نکالے جائیں گے ۔ ملتان میں نویں محرم الحرام کے سلسلے میں علم اور ذوالجناح کے 82 جلوس برآمد ہونگے۔ ملک کے تمام چھوٹے بڑے شہروں میں شہدائے کربلا کی عظیم قربانی کی یاد میں دن بھر جلوسوں اور عزا داری کا سلسلہ جاری رہے گا ۔