لاہور (شیر سلطان ملک )سابق صدر پرویز مشرف  کی جانب سے راحیل شریف پر بیرون ملک بھاگنے میں مدد دینے کے الزام کا ڈراپ سین ہو گیا ہے  اور پرویز مشرف نے اس الزام کی تردید کرتے ہوئے کہا ہے کہ میڈیا اور چینلز والوں  نے میرے بیان کو غلط انداز میں پیش کیا ۔

پر ویز مشرف کا کہنا تھا کہ پاکستان  چھوڑنے کے لئے سابق آرمی چیف جنرل راحیل شریف سے انہوں نے کبھی مدد مانگی نہ ہی کوئی درخواست کی ،نجی چینلز نے میرا بیان غلط انداز میں پیش کیا ۔

تفصیلات کے مطابق پرویز مشرف  

نے اپنے ایک تازہ ترین  انٹرویو میں  کہا کہ ملک چھوڑنے کے سلسلے میں میرا کسی سے رابطہ ہوا اورنہ کسی نے مجھ سے رابطہ کیا،راحیل شریف کی مدد سے متعلق تمام خبریں بے بنیاد اور غلط  ہیں۔یاد رہے کہ  چند روز  قبل سابق صدر نے ایک انٹرویو میں کہاتھاکہ’ میں سب کچھ تھا،میرے اوپر کون سا دباؤ تھا،حکومت کا ججوں پر دبائو تھا،سابق آرمی چیف جنرل راحیل شریف نے دبائو ختم کرنے میں کردار ادا کیا، میں بھی جنرل رہا ہوں ان کا باس رہا ہوں‘۔