نیب چیئرمین خلاف ریفرنس تے سپریم جوڈیشنل کونسل:جے آئی ٹی تے اثر پئے سکدا ہے؟

لاہور (مانیٹرنگ رپورٹ)سپریم جوڈیشنل کونسل 16 مئی نوں اجلاس کررہی ہے جس وچ نیب چیئر مین خلاف ریفرنس بارے تحریک انصاف دی پٹیشن تے غور ہوسی۔ ادارے دے آئینی سربراہ خلاف مقدمے پاروں اک نواں باب کھل سکدا ہے۔ کیہ ایہہ حکومتی کماں وچ مداخلتاں ہون گیاں۔ کل مشال خان کیس وچ چیف جسٹس آکھیا سی کہ اوہ خیبر پی کے دی پلس دے کم وچ مداخلتاں نہیں کرنا چاہندے پر ایہہ چاہندے نیں اوہ کم تیز کرن۔ ایس مقدمے پاروں اک نویں بحث چھڑن دی امیداں وادھو۔ واڈ مسئلہ تے پانامہ کیس بارے بنائی جے آئی ٹی دا ہے جس لئی نیب دے سربراہ ہی نے بندہ کھلنا ہے۔ چیتے رہے جہناں چھ اداریاں نوں جے آئی ٹی وچ بندے کھلنے نیں انہاں وچ سٹیٹ بینک، ملٹری انٹیلی جنس، ایف آئی اے، ایس ای سی پی، آئی ایس آئی تے نیب رلتی نیں۔ ”نیب دے ایہہ چیئرمین تفتیشاں وچ رلتی نہ ہون“ ایہہ آکھنا سی تحریک انصاف دا تاں مارے اوہ ایس مسئلہ نوں لے کے سپریم جوڈیشنل کونسل گئے۔اج سپریم کورٹ دے فیصلے پاروں متھی گئی ڈیڈ لین دا اخیری دن سی۔کیہہ نیب اپنا بندہ کھلدتا ہے؟ یا جد تیک ایس بارے فیصلہ نہیں ہوندا، تد تیک جے آئی ٹی مکمل نہیں ہوئے گی تے فیر کم شروع ہی نہیں ہوئے گا۔اک پاسے عنران خان نوں چیف جسٹس پولے پولے سمجھایا سی کہ اوہ فیصلے دے اختلافی حصہ نوں اپنی سیاسی مہم وچ نہ واڑن اتے خان ہوری اتھے من وی آئے سن۔ پر کل رات نوں لوکاں نوں ویکھ کے مڑ اوہی کیسٹ چلا دتی۔جے ہن عمران پاروں جے آئی ٹی دا بننا ہی لما ہو گیا تے ایس دا قصور کس دا ہو سی۔